Lajme

Kina kufizon ndërtimin e rrokaqiejve


Si pjesë e një përpjekjeje të madhe për të goditur projektet e kota, Kina ka kufizuar qytetet më të vogla në vend nga ndërtimi i “ndërtesave super të larta”.

Agjencia e lajmeve, “BBC”, tregon se Kina është kthyer në shtëpinë e disa prej ndërtesave më të larta në botë, duke përfshirë Kullën e Shangait, e cila ka 128 kate.

Bazuar te raportimet lokale, ato kanë vënë në pikëpyetje nevojën e qyteteve me densitet të ulët për të ndërtuar rrokaqiej, duke sugjeruar se ato kanë ndërtuar rrokaqiej të kotë dhe jo praktikë.

Në faqen kineze të mediave sociale, Weibo, ndalimi u prit kryesisht me miratim, me shumë që deklaruan se rrokaqiejt “nuk nevojiten…janë thjesht mashtrim”.

Kurse në fillim të këtij viti, vendi nxori një ndalim për “arkitekturën e shëmtuar”.

“Jemi në një fazë ku njerëzit janë shumë të vrullshëm dhe të shqetësuar për të prodhuar diçka që në fakt, mund të hyjë në histori”, ka thënë më herët Zhang Shangwu, nënkryetari i Kolegjit të Arkitekturës dhe Planifikimit Urban të Universitetit Tongji.

Ai ka vijuar se “çdo ndërtesë synon të jetë një pikë referimi dhe planifikuesit e qytetit përpiqen ta arrijnë këtë qëllim duke shkuar në ekstreme të risisë dhe çudisë”.

Çfarë thonë rregullat e reja?

Ministria e Strehimit dhe Zhvillimit Urban-Rural dhe Ministria e Menaxhimit të Emergjencave kanë thënë në një deklaratë të përbashkët se qytetet me popullsi më pak se tre milionë njerëz do të kufizohen nga ndërtimi i rrokaqiejve më të lartë se 150 metra.

Ndërkaq, qytetet me popullsi më të madhe se kaq do të kufizohen nga ndërtesat më të larta se 250 metra.

Megjithatë, ministria ka sqaruar se mund të ketë edhe përjashtime të veçanta nëse një qytet me një popullsi urbane prej më pak se tre milionë do të kërkonte të ndërtonte një rrokaqiell më të lartë se 150 metra.

Por, në asnjë rrethanë, një ndërtesë më të lartë se 250 metra.

Në mënyrë të ngjashme, shkruan “BBC”, qytetet me një popullsi urbane mbi tre milionë, në rrethana të caktuara, mund të aplikojnë për të ndërtuar një rrokaqiell më të lartë se 250 metra.

Kjo, me një ndalim të fortë për ndërtesat mbi 500 metra.

Gjithashtu në deklaratë bëhet me dije se, ata që miratojnë projekte që shkelin këto rregulla të reja, do të mbajnë “përgjegjësi të përjetshme”.

/Albanianpost.com


Lajmet kryesore