Udhëheqësi i Koresë së Veriut, Kim Jong Un, ka lëshuar udhëzime të reja në fabrikat kryesore të armëve, duke përfshirë ato që prodhojnë motorë për raketa strategjike dhe dron, njoftoi agjencia shtetërore e lajmeve KCNA.
Kim vizitoi gjithashtu fabrikat që prodhojnë predha raketahedhëse dhe montues transportues raketash, një lloj automjeti që mund të lëshojë raketa balistike, tha KCNA-ja.
Ai dha udhëzime për rritjen e kapaciteteve prodhuese të fabrikave me qëllim forcimin e aftësive mbrojtëse të vendit.
Koreja e Veriut ka rritur zhvillimin e armëve strategjike, duke përfshirë raketat balistike me rreze të gjatë dhe dronët, dhe ka shfaqur raketat dhe dronët e saj më të fundit në një paradë të madhe ushtarake në fund të korrikut.
Parada ushtarake shënoi 70 vjetorin e përfundimit të Luftës së Koresë dhe ajo ditë festohet në Korenë e Veriut si “Dita e Fitores”.
Më pas Kim u takua me ministrin rus të Mbrojtjes Sergei Shoigu dhe të dyja palët konfirmuan me atë rast se do të vazhdojnë të forcojnë lidhjet.
Përveç delegacionit rus, ishte edhe një delegacion kinez i kryesuar nga Li Hongzhongas, anëtar i Byrosë Politike të Partisë Komuniste Kineze.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Parisi i dhuron botës ceremoninë më madhështore në historinë e Lojërave Olimpike
-
Ethet Oropuche, dy vdekjet e para në botë regjistrohen në Brazil
-
Kina dhe Rusia organizojnë patrullën e parë të përbashkët bombarduese pranë Alaskës
-
Tre anëtarë të dyshuar të IS në Belgjikë akuzohen për planifikimin e një sulmi terrorist
