Aktori Kevin Spacey e ka përshkruar veten se ka pasur “shumë dorë” në të kaluarën.
64-vjeçari ka pranuar se “tejkalonte kufijtë” në lidhje me akuzat për sjellje të papërshtatshme që e ndaluan karrierën e tij në vitin 2017.
Vitin e kaluar, aktori u shpall i pafajshëm për të gjitha akuzat për sulm seksual kundër katër burrave midis viteve 2001 dhe 2013 pas një gjyqi në Londër, dhe në vitin 2022 një gjykatë amerikane hodhi poshtë një padi për sulm seksual kundër tij.
Spacey aktualisht është i përfshirë në një gjyq civil mbi një akuzë, të cilën ai e mohon, se ka sulmuar seksualisht një burrë në vitin 2008.
Spacey ka thënë se shtëpia e tij në Baltimore, ku ai ka jetuar që nga viti 2016, po mbyllet dhe shitet në ankand sepse ai nuk mund të përballojë të paguajë “milionat” që detyrohet në faturat ligjore.
Gjatë intervistës, kur u pyet për të sqaruar se çfarë nënkuptonte me “tejkalimin e kufijve”, fituesi i Oscar-it ka thënë se ka të bëjë me “të qenit shumë i dorës, duke prekur dikë seksualisht në një mënyrë që nuk e dija në atë kohë që nuk donte”.
I pyetur nëse mund të kuptojë se një aktor i ri mund të shqetësohet se dikush me ndikim mund të dëmtojë karrierën e tij nëse refuzon, Spacey është përgjigjur “po”.
Aktori ka thënë po ashtu se është i gatshëm të “marr përgjegjësi” për disa nga veprimet e tij të kaluara, të cilat ai i përshkruan si “sjellje të keqe, të keqe, të keqe”.
Por ai ka thënë gjithashtu se “shumë njerëz” kanë bërë pretendime të rreme kundër tij.
Pas transmetimit të intervistës, një grup yjesh të Hollywood-it duke përfshirë Sharon Stone, Stephen Fry dhe Liam Neeson kërkuan që Spacey të lejohej t’i kthehej aktrimit.
Spacey fitoi Oscari-n për aktorin më të mirë në vitin 2000 dhe për aktorin më të mirë dytësor në 1995.
Ai ka qenë gjithashtu drejtor artistik në Teatrin Old Vic në Londër midis viteve 2004 dhe 2015.
Spacey u shkarkua gjatë xhirimeve të serialit të Netflix House of Cards pasi akuzat e para kundër tij u shfaqën në vitin 2017.
Skenat e tij nga filmi i atëhershëm i Ridley Scott All the Money in the World u fshinë dhe u rixhiruan me aktorin kanadez Christopher Plummer duke e zëvendësuar atë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
