Këtë javë takimi i ministrave të jashtëm të NATO-s, flitet për tensionet mes Kosovës dhe Serbisë
Ministrat e jashtëm të NATO-s është planifikuar të takohen këtë javë ku do të shqyrtojnë situatën e sigurisë në Afganistan, Ukrainë dhe Gjeorgji, si dhe rolin e NATO-s në promovimin e stabilitetit dhe sigurisë në rajonin e Ballkanit Perëndimor në mes të tensioneve në rritje midis Serbisë dhe Kosovës dhe ambicieve separatiste në entitetin serb të Bosnjë e Hercegovinës, Republika Srpska, raporton Anadolu Agency (AA).
Po ashtu do të diskutojnë një sërë çështjesh, duke përfshirë grumbullimin e ushtrisë ruse pranë kufirit ukrainas,
Takimi, i kryesuar nga Sekretari i Përgjithshëm i NATO-s, Jens Stoltenberg, do të zhvillohet në kryeqytetin e Letonisë Riga më 30 nëntor – 1 dhjetor.
Takimi pritet të fokusohet rreth Rusisë pas grumbullimit të fundit ushtarak nga ana e Moskës pranë kufirit ukrainas.
Zyrtarët e NATO-s deklarojnë hapur se aktivitetet ushtarake ruse në Krime, e cila u aneksua ilegalisht në vitin 2014, dhe rreth kufirit ukrainas ngrenë pikëpyetje serioze.
Në një konferencë shtypi të mbajtur javën e kaluar, Stoltenberg tha: “Rusia duhet të tregojë transparencë, të ulë tensionet dhe të deeskalojë situatën”.
Duke iu referuar takimit të ardhshëm, ai tha se ministrat do të flasin edhe për krizën e migracionit në kufirin me Bjellorusinë, të cilën ai e quajti “një shfrytëzim cinik i njerëzve të cenueshëm për të ushtruar presion mbi aleatët tanë Poloninë, Letoninë dhe Lituaninë”.
Gjithashtu do të trajtohet koncepti i ardhshëm strategjik i NATO-s dhe kontributi i aleancës në kontrollin ndërkombëtar të armëve.
Në disa seanca të takimit do të marrin pjesë edhe ministrat e jashtëm të Suedisë, Finlandës, Gjeorgjisë dhe Ukrainës, të cilat nuk janë anëtare të NATO-s.
Turqia do të përfaqësohet nga ministri i Jashtëm Mevlüt Çavuşoğlu, i cili pritet të zhvillojë një sërë takimesh dypalëshe me homologët e tij në margjinat e takimit.
Sipas OKB-së, luftimet midis forcave të qeverisë ukrainase dhe separatistëve pro-rusë që nga viti 2014 në Donbas kanë shkaktuar më shumë se 13.000 njerëz të vrarë, një e katërta e tyre civilë, dhe deri në 30.000 të plagosur.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Rama për “Corriere Della Sera”: Ndërhyra për të mbrojtur imazhin e vendit tim
-
Kasami konfirmon se do të ketë qeveri me VMRO-në: Është paralajmëruar se VLEN do jetë pjesë e ekzekutivit
-
Pas tentimit të dytë Komisioni Hetimor për subvencionimin e teksteve dhe mjeteve shkollore konstituohet
-
Rohde e përmendi Asociacionin, Kurti kërkon mbështetjen e Gjermanisë për anëtarësimin e Kosovës në KiE
Lajmet kryesore
-
Të ‘mbarojmë punë me Rai-n’, pastaj radha për interpelancë me Bardhin, thotë Rama
-
Bardhi thotë se Rama ka frikë nga interpelanca, radhit 4 fakte dhe shtron 4 pyetje publike për kryeministrin
-
‘Evropa mund të vdesë’ – Cilat janë propozimet e Macron për ta shpëtuar?
-
Edhe Britania e do Asociacionin sa më shpejt që të jetë e mundur