Këshilli i Sigurimit i OKB-së dënon sulmet e rebelëve Houthi ndaj Arabisë Saudite

Këshilli i Sigurimit i Kombeve të Bashkuara, në një deklaratë për shtyp të hënën, ka dënuar sulmet e fundit ndaj Arabisë Saudite nga milicia Houthi e mbështetur prej Iranit.

Grupi shprehu “pritjen dhe kërkesën e tij që Houthi-t t’i përmbahen armëpushimit”, që filloi të shtunën, kur filloi dhe muaji i shenjtë të Ramazanit.

Gjithashtu ai theksoi detyrimet e nënvizuara në të drejtën ndërkombëtare, veçanërisht ato që lidhen me mbrojtjen e civilëve dhe objekteve civile.

Houthi-t nisën sulmet ndaj objekteve të naftës saudite më 20 dhe 25 mars.

Sulmi i së dielës, 20 mars, kishte në shënjestër një fabrikë të shpërndarjes së produkteve të naftës Aramco në Jeddah, duke shkaktuar një “zjarr të kufizuar”, thanë autoritetet.

Më herët atë ditë, 106 varka të ngarkuara me eksploziv që synonin rrugët e anijeve të Detit të Kuq u kapën nga Koalicioni Arab që luftonte në Jemen, tha një zëdhënës i koalicionit.

Një fabrikë në Jeddah Aramco u sulmua gjithashtu të premten, më 25 mars, duke shkaktuar një shtëllungë tymi që mund të shihej nga shikuesit e Çmimit të Madh të Formula 1 aty pranë.

Houthi dhe udhëheqësit e koalicionit ranë dakord për një armëpushim gjatë muajit Ramazan që filloi të shtunën.

Armëpushimi do të lejojë 18 anije me karburant të hyjnë në portin e Hodeidah dhe dy fluturime komerciale në javë brenda dhe jashtë aeroportit Sanaa të kryeqytetit, të dyja nën kontrollin e Houthis.

Houthi dhe Koalicioni Arab do të takohen gjithashtu për të rënë dakord për hapjen e rrugëve në disa pjesë të vendit, duke përfshirë guvernatorin e Taiz-it, “për të përmirësuar lirinë e lëvizjes së civilëve”, tha një deklaratë e mëparshme e OKB-së.

Kush janë rebelët Houthi?

Lëvizja Houthi, e njohur ndryshe si Ansarallah, është një lëvizje politike islamiste shiite, e armatosur dhe e mbështetur nga Irani, në Jemen. Grupimi ka për qëllim luftën kundër moszhvillimit ekonomik të vendit dhe margjinalizimit politik.

Një qeveri e re e unitetit u formua vitin e kaluar nën një marrëveshje për ndarjen e pushtetit të ndërmjetësuar nga Riad-i.

Ajo erdhi si në një përpjekje për t’i dhënë fund luftës për pushtet midis separatistëve STC, mbështetur nga Emiratet e Bashkuara Arabe dhe besnikëve të presidentit Abdrabbu Mansour Hadi, i cili mbështetet nga Arabia Saudite.

Qëllimi ishte bashkimi i të dy palëve në luftën kundër Houthis, të cilët kontrollojnë zonat veriore të vendit.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.