Kërkon ndeshje por Florian Marku ‘e refuzon’, McKenna: Klloun, frikacak

Të shtunën mbrëma në Mançester, boksieri shqiptar Florian Marku shkatërroi një kundërshtar të aftë dhe me përvojë si Dylan Moran brenda një minute në ndeshjen e tyre kur shumë prisnin një luftë 50/50 mes dyshes.

Pas asaj ndeshjeje, Marku shpjegoi se kishte probleme në sigurimin e kundërshtarëve dhe dëshironte duelet më të mëdha të mundshme.

“Kam punuar shumë për këtë duel për rikthimin tim. Dua përballje të mëdha dhe njerëzit vazhdojnë të më shmangin. Dua emra të mëdhenj. Dua Josh Taylor, Conor Benn, Kell Brook. Ishte një vit frustrues. Respekt për Dylan Moran, por unë jam në një nivel tjetër. Kur jam i përqendruar jam i rrezikshëm. Më jep një ndeshje të duhur dhe do të shohësh se çfarë mund të bëjmë”, tha Marku për “Sky Sports”.

Marku goditi me dorën e majtë të fuqishme në shkëmbimet e para të përleshjes dhe më pas, si një “peshkaqen që mban erë gjaku”, u hodh mbi Moran, duke shkarkuar një breshëri të pandërprerë grushtash nga të dyja duart derisa arbitri u detyrua të ndalonte ndeshjen.

Ben Shalom, CEO dhe themeluesi i BOXXER, tha për “Sky Sports” pas duelit: “Kam punuar me Florianin për një kohë të gjatë dhe ai është penguar nga dëmtimet. Këtë vit ai është në formë, ai është në formë tani dhe ai është një kafshë e rrezikshme. Ai është një yll i madh dhe ne kemi një talent të vërtetë në duart tona”.

Ndërsa Marku kërkon një kundërshtar, Stevie McKenna i pamposhtur është më se i gatshëm të përballet me të sa më shpejt të jetë e mundur.

“Ky klloun Florian Marku thotë se askush nuk do ta luftojë. Unë i kam thënë Ben Shalon shumë herë se do të luftoj me ty në çdo kohë, kudo dhe ti vazhdoni ta refuzosh përballjen. Ne të dy jemi 13-0. Merre luftën frikacak”, deklaroi McKenna në rrjetet sociale.

Irlandezi, i njohur si “The Hitman” krenohet me një rekord 13-0, një rekord të cilin ai e përmirësoi me një fitore në raundin e katërt ndaj Brendon Denes në “Wembley” në shkurt.

 

View this post on Instagram

 

A post shared by Stephen McKenna (@stevie_mckenna)

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.