Lëvizja Demokracia në Evropë 2025, e njohur ndryshe si DiEM25, e që është një lëvizje pan-evropiane dhe që mendon se Bashkimi Evropian mund të mbijetojë vetëm nëse transformohet rrënjësisht, së fundmi përmes një peticioni ka kërkuar shkarkimin e Përfaqësuesit të Lartë të Bashkimit Evropian për Punë të Jashtme dhe Politikë të Sigurisë, Josep Borrell.
Arsyeja se pse kjo Lëvizje po kërkon shkarkimin e kryediplomatit evropian, Borrell, është për shkak të një fjalimi të këtij të fundit në inaugurimin e programit pilot të Akademisë Diplomatike Evropiane të drejtuar nga Federica Mogherini.
Problemi sipas Lëvizjes qëndron në atë se si Borrell, pjesën tjetër të botës, e sheh si “xhungël”.
Sipas tyre Borrell, duke e portretizuar Evropën “si një kopësht i ndërtuar nga evropianët” dhe pjesën tjetër të botës, pra atë jashtë Evropës “si një xhungël e cila ka për qëllim pushtimin e kopshtit”, pra Evropës, ka shpërfaqur mentalitetin e tmerrshëm “racist dhe kolonial” të zyrtarëve të lartë të cilët po e drejtojnë Unionin.
“Kopshtarët duhet të kujdesen për të, por nuk do ta mbrojnë kopshtin duke ndërtuar mure. Një kopsht i bukur i vogël i rrethuar me mure të larta për të parandaluar hyrjen e xhunglës nuk do të jetë zgjidhje. Sepse xhungla ka një kapacitet të fortë rritjeje dhe muri nuk do të jetë kurrë mjaftueshëm i lartë për të mbrojtur kopshtin”, thuhet të ketë thënë Borrell në një ngjarje publike me gjeneratën e ardhshëm të diplomatëve të BE-së, e të cilën Lëvizja po e konteston.
“Kjo analogji e supozuar duhet të jetë e papranueshme, pavarësisht nga konteksti. Duke e quajtur shumicën e pjesës tjetër të botës ‘një xhungël’, Borrell ka degraduar miliarda njerëz të cilët jetojnë në një pjesë të botës të pazhvilluara si rezultat i drejtpërdrejtë i trashëgimisë koloniale të Evropës, dhe ka treguar se, larg nga dëshira për të shlyer këtë padrejtësi të pamasë , prioriteti i tij kryesor është përjetësimi i tij”, thuhet në komunikatën për media e lëshuar nga kjo lëvizjes.
Prandaj sjellja e Borrellit, sipas DiEM25, thënë thjeshtë, është e papërshtatshme për zyrën që ai mban.
“Ne kërkojmë dorëheqjen e tij të menjëhershme”, përfundon komunikata.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Borrell dhe liderët e Ballkanit Perëndimor takohen të mërkurën në drekë pune
-
“Pikë Uji” – Një pasqyrë pa dashur të mbajë anë, thotë skenaristja Ajola Daja për Albanian Post
-
Shqipëria jep 5 milionë euro për investime në bujqësi në 2024
-
Zbërthimi i ‘Ghost’ – Nga kapja e mafiozit italian deri te përdoimi i Shqipërisë për trafikun e drogës drejt Evropës Qendrore
Lajmet kryesore
-
“Pikë Uji” – Një pasqyrë pa dashur të mbajë anë, thotë skenaristja Ajola Daja për Albanian Post
-
Shqipëria jep 5 milionë euro për investime në bujqësi në 2024
-
Kush ishte Ibrahim Aqil – komandant i njësive elitare të Hezbollahut – i vrarë nga një sulm izraelit
-
Kurti do të marr pjesë në Forumin e Sigurisë në Varshavë