Kelly Clarkson “aspak” e penduar për divorcin nga Brandon Blackstock

Artistja dhe prezantuesja Kelly Clarkson thuhet se “nuk është penduar” që i dha fund martesës së saj me producentin, Brandon Blackstock.

Ish-çifti kanë qenë të përfshirë në një betejë të ashpër ligjore që nga ndarja e tyre gati katër vjet më parë, shkruan PageSix, transmeton AlbanianPost.

“Ajo po ia del shumë mirë, nuk është penduar fare”, tha një burim i afërt me këngëtaren.

“Kelly është e lumtur që u largua nga Los Anxhelos për në Nju Jork, tani ajo ka kujdestarinë kryesore të fëmijëve dhe është një nënë e shkëlqyer”, ka shtuar burimi.

Burimi i afërt me artisten shtoi se “megjithëse i pëlqen të punojë, fëmijët janë bota e saj” dhe “ajo është shumë praktike dhe argëtuese”.

Prezantuesja e “Kelly Clarkson Show”, 41 vjeç, bëri kërkesë për divorc nga Blackstock në qershor të vitit 2020 pas shtatë vitesh martesë.

Dyshja – që kanë vajzën River Rose, 9 vjeçe dhe djalin Remington Alexander, 7 vjeç – më në fund e zgjidhën ndarjen e tyre në mars të vitit 2022 pas dy vitesh beteja gjyqësore.

Pasi ata finalizuan divorcin e tyre në vitin 2022, Clarkson u urdhërua t’i jepte Blackstock një pagesë një herë prej 1.3 milion dollarë, plus 150 mijë dollarë në muaj në mbështetje bashkëshortore dhe 45 mijë e 601 dollarë në muaj mbështetje për fëmijët.

Në fillim të këtij muaji, Clarkson paditi përsëri Blackstock vetëm disa muaj pasi fitoi një vendim prej 2.6 milionë dollarësh kundër tij vjeshtën e kaluar.

Ajo akuzoi ish-in e saj dhe kompaninë e menaxhimit të babait të tij Narvel Balckstock, Starstruck Entertainment, për shkelje të ligjeve të punës në Kaliforni – veçanërisht Aktin e Agjencive të Talenteve – duke vepruar si një “agjensi talentesh e palicencuar” që rezervoi marrëveshje biznesi në emër të saj që nga viti 2007.

Në qershor të vitit të kaluar, Clarkson i tha Zane Lowe të Apple Music se ajo “nuk e trajtoi mirë divorcin”.

“Nuk e di se si njerëzit e kalojnë një gjë të tillë sepse nuk do të them se e bëra me hijeshi. Pas dyerve të mbyllura vetë, nuk ishte”, tha ajo, duke pranuar se u përpoq të shfaqte një fytyrë të lumtur më publik.

Këngëtarja tha se shpesh e gjente veten “duke qarë aq shumë” saqë “nuk mund të fliste” kur kuptoi se martesa e saj fatkeqe po vdiste.

Në fillim të atij muaji, alumja e “American Idol” pranoi se ajo qëndroi në martesën e saj shumë më gjatë se sa duhej, sepse nuk donte të ndihej e dështuar.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.