Kapiteni i Napoli-t, Giovanni di Lorenzo thuhet se ka kërkuar një transferim në verë, duke besuar se cikli në kryeqytetin e Kampanias ka përfunduar.
Mbrojtësi i djathtë 30-vjeçar italian, i cili ishte një figurë e rëndësishme në suksesin historik të ekipit në Scudetto-n nën drejtimin e Luciano Spalletti-t, nënshkroi një kontratë të re afatgjatë në gusht të vitit të kaluar, pa dijeni për vështirësitë që vinin përpara këtij sezoni.
Di Lorenzo ka performuar mesatarisht mirë pavarësisht rënies së konsiderueshme të Napoli-t këtë sezon, duke shënuar dy herë dhe duke dhënë tetë asistime në 46 ndeshje.
Për shkak të rinovimit të tij të fundit, ai është i lidhur me klubin deri në qershor 2028.
“Corriere dello Sport” në edicionin e sotëm tregon se si Di Lorenzo i ka kërkuar Napoli-t një transferim gjatë verës, gati për t’u larguar pas pesë vitesh në klub.
30-vjeçari foli me drejtorin e ri sportiv, Giovanni Manna në terrenin stërvitor të klubit Castel Volturno ditët e fundit, duke shprehur pakënaqësinë e tij dhe duke kërkuar që të shitet, duke besuar se cikli i tij ka përfunduar.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
