Në Greqi mësohet se është arrestuar një vajzë 27-vjeçare shqiptare pasi është kapur me 8.5 kilogramë heroinë në Selanik.
Dyshohet se e reja është anëtare e një rrjeti të organizuar droge.
Policia e atjeshme, gjatë një kontrolli fizik, gjeti dhe sekuestroi 18 pako me gjithsej 8 kilogramë e 561 gramë heroine.
Referuar të dhënave të policisë, roli i 27-vjeçares ishte ai i marrjes së dozave, ruajtjes dhe trafikimit të mëtejshëm të drogës.
Punonjësit e policisë së Departamentit të Çështjeve të Përgjithshme të Prokurorisë së Narkotikëve të Selanikut e sekuestruan sasinë që mendohet të ishte e destinuar të përfundonte te ata me varësi nga droga.
Sakaq, e arrestuara do të dalë përballë drejtësisë greke, ku pritet të marrë dënimin.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com