Kane është kandidati kryesor për ta zëvendësuar Benzema-n

Karim Benzema largohet nga Real Madridi dhe drejtorët tashmë kanë parasysh emrin e zëvendësuesit të tij. Nuk është askush tjetër përveç sulmuesi kryesor i Anglisë, Harry Kane.

Vendimi përfundimtar i Benzema-s nuk ka qenë surprizë për klubin dhe prej disa ditësh ata po punojnë për mundësinë e gjetjes së një sulmuesi të ri për të zëvendësuar kapitenin.

Ardhja e Joselu nuk do të kishte asnjë lidhje me largimin e Benzema-s, pasi sulmuesi i Espanyol-it do të bashkohej për të zënë vendin e Mariano Diaz, pra një zëvendësues i sulmuesit kryesor.

Joselu duhet të marrë kohë për të luajtur, por përgjegjësia e tij nuk do të jetë ajo e titullarit. Roli i tij do të jetë të luftojë për mundësitë dhe me siguri do t’i shfrytëzojë ato.

Ndërkohë emri i Kane është diskutuar tashmë në disa takime që janë zhvilluar në Valdebebas ditët e fundit.

Ai është opsioni i preferuar si i Carlo Ancelottit ashtu edhe i drejtorëve. Ata e shohin atë si dikë që mund të kontribuojë menjëherë dhe ka ende tre ose katër sezone në një nivel elitar.

Dallimi më i madh në krahasim me sezonet e mëparshme në lidhje me reprezentuesin anglez është se këtë herë Daniel Levy duket i gatshëm për të arritur një marrëveshje, për sa kohë që destinacioni nuk është një tjetër skuadër e Premier Leauge-s.

Real Madrid tashmë ka bërë afrime fillestare si me lojtarin ashtu edhe me Tottenham-in.

Ata e dinë që Kane është i gatshëm të nisë një përvojë në La Liga me mundësinë e ofruar nga Los Blancos.

Lajmi se ai dëshironte të vazhdonte në Premier League nuk përputhet me realitetin, pasi ai është veçanërisht i motivuar nga ideja për të veshur fanellën e Real Madrid-it.

Kryetari i Spurs , Daniel Levy është një negociator i ashpër, siç e ka treguar tashmë në rastet e Luka Modric dhe Gareth Bale.

Megjithatë, rrethanat tani kanë ndryshuar dhe ardhja e mundshme e Kane nuk është një ëndërr e largët.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.