Deputeti i vetëm shqiptar në Parlamentin e Serbisë, Shaip Kamberi, nëpërmjet një postimi në “Facebook” të dielën, tha se është gëzuar nga fakti që Shtetet e Bashkuara të Amerikës (SHBA) janë duke e shtyrë përpara fillimin e realizimit të planit 7 pikësh nga pala serbe, nëpërmjet së cilit synohet zgjidhja e problemeve të komunitetit shqiptar në Serbi.
Kryetari i Partisë për Veprim Demokratik (PVD) theksoi se pas vizitës në Luginën e Preshevës javën e kaluar, ambasadori i SHBA-së në Beograd, Christopher Hill, nën shoqërinë e ambasadorit të OSBE-së, Jan Braathu, takuan kryeministren në ikje e kryeparlamentaren në ardhje të Serbisë, Ana Bërnabiç, pikërisht mbi planin 7 pikësh të aprovuar në 2013.
“Më gëzon angazhimi i OSBE dhe SHBA-së për të shtyrë përpara fillimin e realizimit të Planit 7 pikësh. Njohja e diplomave duhet të jetë hapi i parë”, shkroi Kamberi, duke shprehur njëkohësisht keqardhje që edhe pse i aprovuar në vitin 2013, realizimi i këtij plani, nëpërmjet së cilit synohet integrimi i shqiptarëve, ende nuk ka filluar të zbatohet në tërësi.
Plani 7 pikësh është një dokument i nënshkruar nga përfaqësuesit politikë të shqiptarëve të Luginës së Preshevës – Preshevë, Medvegjë dhe Bujanoc – para një dekade, qëllimi parësor i së cilit ishte nisja e dialogut për zbatimin e masave të nevojshme për afirmimin e të drejtave të shqiptarëve në Serbi, duke përfshirë në arsim, shëndetësi, kulturë e siguri.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Prezantohet strategjia e menaxhimit të Financave Publike, Gonzato: Puna bashkërenduese do jetë shumë bashkëpunuese
-
KMShK-ja i konsideron si të “dëmshme dhe të papranueshme” përpjekjet e Qeverisë për kontroll mbi mediat
-
Amnistia penale është atentat kundër reformës në drejtësi, thotë Basha
-
Nga lufta ndaj krimit te pavarësia e prokurorëve, qeveria shpalos 4 rekomandime për SPAK dhe Prokurorinë
Lajmet kryesore
-
Kosova shënon regres për 19 vende në indeksin e “Reporterëve pa Kufij” – gazetarët vazhdojnë të jenë cak i sulmeve politike
-
Prezantohet strategjia e menaxhimit të Financave Publike, Gonzato: Puna bashkërenduese do jetë shumë bashkëpunuese
-
Një darkë në Elysee për të bindur Scholz-in për Kinën
-
Nga lufta ndaj krimit te pavarësia e prokurorëve, qeveria shpalos 4 rekomandime për SPAK dhe Prokurorinë