Kadaj-Bujupi, Hazirit: ‘Fake it till you make it’, 71% e qytetarëve mendojnë se presidentja e meriton të vazhdojë punën
Këshilltarja e presidentes së Kosovës, Vjosa Osmani, Donika Kadaj-Bujupi, ka reaguar ndaj deklaratës së nënkryetarit të Lidhjes Demokratike të Kosovës, Lutfi Haziri, lidhur me mbështetjen e qytetarëve ndaj presidentes.
Haziri, i cili deklaroi se mbështetja e qytetarëve për Osmanin është 8 për qind, sipas Kadaj-Bujupit, Osmani gëzon mbi 70 për qind të mbështetjes qytetare.
“Pak fact-checking ➡️ Sipas sondazhit të UBO-s dhe sondazheve ndërkombëtare në Kosovë, të cilat i kanë pa të gjithë liderët partiakë dhe ata të institucioneve, në pyetjen nëse Vjosa Osmani e meriton të vazhdojë punën si Presidente, 𝟳𝟭% janë përgjigjur se 𝗽𝗼, ndërsa vlerësimi për Presidencën si institucion është mbi 𝟲𝟮%”, ka shkruar ajo në Facebook.
Ajo tutje ka thënë se sipas sondazheve presidentja ka edhe vlerësimin më të lartë në Kosovë.
“Me gjasë ish-kryetari i Gjilanit e ka marrë si shumë seriozisht shprehjen ‘Fake it till you make it’ – ‘gënje deri sa t’ia arrish qëllimit’. Lutë, shprehja nuk i aplikohet publikimit të lajmeve, se pastaj është veç Fake News”.
“PS; Kushdo që dëshiron t’i shohë rezultatet e sondazhit, lajmërohuni dhe ua tregoj”, ka përfunduar Kadaj-Bujupi.
“8 për qind e ka popullaritetin Vjosa Osmani. Albin Kurti dhe Lumir Abdixhiku e kanë popullaritetin më të madh”, ka thënë Haziri në një intervistë për T7, në emisionin ZEN me Artan Behrami.
Më 3 prill të 2023-ës, presidentja e Kosovës, Vjosa Osmani, kishte emëruar Donika Kadaj Bujupi si këshilltare në kabinetin e saj.
Në Presidencë, Kadaj Bujupi do të angazhohet, ndër të tjera, në fushën e komunikimit publik dhe marrëdhënieve ndërkombëtare.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Propozimi për Tribunal Ndërkombëtar, Mexhiti – Mickoskit dhe Davkovkas: UÇK është e shenjtë, askush nuk guxon të prek aty
-
Gërvalla kërkon mbështetjen e BE-së për anëtarësimin e Kosovës në KiE
-
Kadri Veseli padit deputetin e LVV-së për shpifje
-
Policia për vendosjen e kamerave në Veri: Angazhim për sigurinë publike
Lajmet kryesore
-
Ekskluzive: Liburn Aliu e Naser Hafizi ia mbyllin kompanisë “Arbëria – Uji Alpet” borxhin prej 2.2 milionë eurove për vetëm 23 mijë euro
-
Veliaj: Analistët më sulmojnë se nuk u kam realizuar favoret e kërkuara
-
Zemërimi i të pafavorizuarve të Evropës – një votë në 3, pre e sovranistëve
-
BBC pyet Kurtin: Pse e latë Radoiçiçin të lirë kur e kishit rrethuar?