Juventus thuhet se është lodhur duke pritur për Adrien Rabiot dhe po e kthen fokusin te Khephren Thuram i OGC Nice, pretendon “Sportitalia”.

Rabiot është në të njëjtën situatë si një vit më parë, me kontratën e tij që skadon më 30 qershor dhe ai është duke vlerësuar të gjitha opsionet e tjera të mundshme përpara se të marrë një vendim.

Ndërsa verën e kaluar ai përfundimisht ra dakord të nënshkruante një marrëveshje të re njëvjeçare në Torino, ata duhej të fillonin nga e para dhe Juventus-i nuk është aq i përgatitur për të pritur tani që ata janë në Champions League.

Sipas ekspertit të transferimeve të “Sportitalia”, Alfredo Pedulla, nëna-agjente e Rabiot kërkon një komision së bashku me një pagë prej 9 milionë eurosh për sezon, të cilën Juventus-i po refuzon ta paguajë.

Real Madrid-i është tani në horizont për Rabiot, më kërcënues se Manchester United, kështu që bardhezinjtë janë gati të shikojnë diku tjetër.

“Sportitalia” thotë se objektivi i tyre kryesor do të jetë Thuram, vëllai i vogël i sulmuesit të Inter-it, Marcus, kontrata e të cilit me OGC Nice do të skadojë në qershor 2025.

Khephren ka lindur në Itali kur babai i tij Lilian po luante për Parma-n në mars 2001, vetëm disa javë para transferimit te Juventus-i.

Një produkt i akademisë Monaco-s, Khephren Thuram është 23 vjeç dhe ka një paraqitje për Francën.