Aplikacione

Ju mund të filloni të shihni reklama në fund të takimeve të Zoom


Zoom aktualisht po teston një program të ri që do të shfaqë reklama në fund të takimeve, njoftoi kompania në një postim në blog. Kjo do të shqetësojë disa përdorues të Zoom, por nuk është aq e keqe sa duket.
 
“Me këtë në mendje, ne jemi të lumtur për të nxjerrë një program reklamimi që presim se do të na mundësojë të mbështesim investimet dhe të vazhdojmë t’u ofrojmë përdoruesve aplikacionin falas” tha shefja e marketingut të Zoom, Janine Pelosi.
Pelosi tregoi se si do të duket ky program për përdoruesit. “Për këtë program fillestar, reklamat do të shfaqen vetëm në faqen e shfletuesit që përdoruesit shohin pasi të përfundojnë takimin e tyre. Vetëm përdoruesit falas të Basic në vende të caktuara do t’i shohin këto reklama nëse i bashkohen takimeve që organizohen nga përdorues të tjerë të Basic falas.”
Duket sikur reklamat nuk janë shumë ndërhyrëse pasi ato shfaqen në një dritare të shfletuesit kur një takim përfundon. Ata nuk do ta ndërpresin takimin tuaj ose nuk do t’ju bëjnë të prisni për të filluar një takim, kështu që duket sikur Zoom po nxjerr programin pilot të reklamave në mënyrën më pak ndërhyrëse, të paktën tani për tani. Nëse programi nuk funksionon mirë, është e mundur që kompania të ndryshojë mënyrën se si i shfaq këto reklama.
 
Pelosi përfundoi postimin në blog duke thënë: “Ne jemi jashtëzakonisht krenarë që ofrojmë një shërbim që ndihmon kaq shumë njerëz në mbarë botën të qëndrojnë të lidhur. Ky ndryshim siguron që përdoruesit tanë falas të jenë në gjendje të vazhdojnë të lidhen me miqtë, familjen dhe kolegët me të njëjtën platformë të fuqishme që kemi ofruar gjithmonë.”

/Albanianpost.com


Lajmet kryesore