Kryeministri britanik, Boris Johnson, do të paraqesë të hënën planin për daljen e Anglisë nga bllokimi aktual i coronavirus-it.
Johnson u shpreh se dëshiron të largojë vendin nga bllokimi në një mënyrë që është e kujdesshme, por e pakthyeshme.
Anglia ka kaluar dy muaj në bllokim, por disa masa janë lehtësuar tashmë.
Ministria e Shëndetësisë njoftoi të shtunën se banorët e shtëpive të kujdesit do të jenë në gjendje të kenë kontakt me një vizitor të rregullt që nga 8 marsi.
Atë ditë, gjithashtu pritet që shkollat të rihapen. Më vonë, dyqanet dhe restorantet do të rihapen.
Bllokimi i tretë i Anglisë filloi më 5 janar, duke mbyllur jetën publike në një nga vendet më të goditura nga pandemia në Evropë.
Johnson, ka njoftuar në një dalje publike, se Britania e Madhe do ti rikthehet kufizimit total të aktiviteteve, si shkak i rritjes së numrit të rasteve me coronavirus.
Lehtësimi i Johnson do të vlente vetëm për Anglinë. Skocia, Wales-i dhe Irlanda e Veriut po përcaktojnë rregulloret shëndetësore në mënyrë të pavarur.
Ndërkohë, qeveria ka kryer vaksinat kundër Covid-19 me shpejtësi të lartë. Më shumë se 17 milionë njerëz kanë marrë dozën e parë deri tani.
Me 3 janar ,autoritetet britanike të shëndetësisë raportuan për mbi 57 mijë infektime, shifra më e lartë kjo e regjistruar ndonjëherë në këtë vend. Një pjesë e rasteve të reja raportohet se ishin të llojit të ri të coronavirusit.
Për të kufizuar përhapjen e shpejtë të virusit, në Britani ekspertët e shëndetësisë nisur nga efektshmëria e lartë e vaksinës kanë propozuar vaksinimin e një numri më të madh personash me një dozë të vetme, sesa vaksinimin e një numri të vogël personash me dy doza.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com