Shtetet e Bashkuara të Amerikës e kanë mposhtur Iranin në ndeshjen e fundit të fazës së grupeve në Kupën e Botës dhe kështu janë kualifikuar për herë të parë në fazën e 1/8-ve të finales.
Pas përfundimi të ndeshje, SHBA-të i uroi edhe i pari i tyre, presidenti Joe Biden.
Reagimi i kreut të “Shtëpisë së Bardhë”, duket një deklaratë sa sportive aq edhe politike.
“Shtetet e Bashkuara një, Irani zero! Loja mbaroi!”, njoftoi ai para qytetarëve në Bay City, Michigan, ku po zhvillohej një ngjarje kushtuar nismave ekonomike.
Më tej Biden shtoi se çfarë kishte folur me trajnerin dhe lojtarët përpara këtij takimi.
“Çfarë loje e mrekullueshme. Kur fola me trajnerin dhe lojtarët, u thashë ‘mund ta bëni’. Ata e bënë. Sa shumë i dua”, tha sërish presidenti, duke iu referuar telefonatës së parë të bërë me ekipin në prag të Kupës së Botës.
Sa i përket ndeshjes, SHBA-të e fituan atë me rezultat minimal 0:1, ku golin e vetëm e shënoi sulmuesi i Chelsea-t Christian Pulisic në minutën e 38-të.
Me kualifikimin historik tutje në fazën tjetër të Kupës së Botës, SHBA-të do të përballen me Holandën, ndeshje kjo që do të zhvillohet këtë të shtunë me fillim nga ora 16:00.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
