Rep artisti i njohur nga Kosova, Mozzik, ka bërë të ditur se ka marrë vaksinën kundër Coronavirusit.
Mozzik, këtë lajm e ka njoftuar me anë të një storie të postuar në llogarinë e tij të Instagram-it e tij.
Por, ylli i hitit “Madonna”, nuk ka dhënë detaje të tjera rreth procesit të vaksinimit duke e lënë kështu vetëm me një publikim të fotografisë nga vendi i ngjarjes.
Vaksinën duket ta ketë marrë në shtetin zviceran ku edhe po qëndron tash e disa ditë.
Pos Mozzik, edhe partnerja e tij, këngëtarja e njohur ndërkombëtarisht, Loredana, e ka marrë vaksinën kundër Coronavirusit ditëve të fundit.
“Pas një pritje të gjatë, më në fund u vaksinova kundër COVID-19. Faleminderit”, ka shkruar Loredana në storien e saj të publikuar në Instagram.
Mes artistësh të tjerë që kanë treguar hapur se janë vaksinuar së fundmi janë edhe Era Istrefi e Ledri Vula.
Ndryshe, kënga e fundit e publikuar nga rep artisti ferizajas është “n’Tiranë” që aktualisht numëron mbi 10 milionë klikime në YouTube.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
