Jeta e re e Yulia Navalnaya-s, ‘mbretëreshës së disidencës ruse’

Në Rusi dhe jashtë saj, askush nuk është më i sigurt në fazën përfundimtare vrastare dhe ultra-staliniste të Putinizmit.

Imagjinoni Yulia Navalnaya-n – “mbretëreshën e disidencës ruse”, gruaja e guximshme e Alexey Navalny-t – një grua që Kremlini nuk mund ta përulë apo kontrollojë.

Kështu jetohet kur je objektiv i regjimit. Prej vitesh dhe më keq se kurrë tani.

Siç Stalini vrau armiqtë e tij edhe jashtë vendit, nën diktaturën e Vladimir Putin-it, armiqtë e tij nga Alexander Livtinenko te Sergey Skripal u qëlluan jashtë vendit, u helmuan ose u vranë.

Lista arrit deri te “tradhtari i fundit”, Maxim Kuzminov, piloti i ri rus që rrëmbeu dhe dorëzoi një helikopter ushtarak rus Mi-8 në Ukrainë. Ai u gjet i vdekur dy ditë më parë.

Njerëzit, nën regjimin e Putin-it, vdesin jo vetëm në burgjet ruse në Rrethin Arktik. Ata gjithashtu vdesin nga atentatet në mes të Evropës, me vendet evropiane të shpërqendruara nga përhapja e agjentëve rusë.

Por tani do të ndodhë si kurrë më parë.

Për këtë arsye, rutina e Yulia-s nuk do të jetë më kurrë si më parë, e një gruaje të sigurt.

Dhe ajo e di shumë mirë: “Po të kisha frikë, nuk do të isha gruaja e Alexey-t”.

Tani është e qartë se gjërat kanë ndryshuar.

Një Putin i papërmbajtur, pa më të voglin vullnet  për të dialoguar me botën e lirë, mund të urdhërojë vrasjen e dy disidentëve të mëdhenj që kanë mbetur në burg.

Burimet e Christo Grozev “kanë paralajmëruar tashmë se mund të ketë një valë shtypjeje dhe vrasjesh, se Putin-i ka ‘plane speciale’ për liderët e opozitës ruse”.

Nëse kjo është e vërtetë, të burgosurit Ilya Yashin dhe Vladimir Kara-Murza do të jenë veçanërisht të prekshëm.

Sigurisht që edhe Yulia rrezikon shumë. Një objektiv lëvizës në një rreze zjarri që tani përfshin gjithë Evropën.

Asgjë nuk e mban më Putin-in.

Ngjashëm si Stalini – dhe ndryshe nga faza Brezhneviane në të cilën Bashkimi Sovjetik u tkurr nga vrasja e disidentëve të mëdhenj.

Lind pyetja, çfarë bën Yulia për të ecur përpara dhe për të mbrojtur veten?

Zgjedhja e saj kokëfortë këtë vit ishte të ishte atje sa më shumë që të ishte e mundur, në Rusi, ku Alexey ishte i burgosur.

Masa e parë: kur Kremlini kishte FBK, Fondacioni i Navalny-t, etiketuar si një “organizatë ekstremiste”, dhe bashkëpunëtorët e Navalny-t u detyruan të shpërndanin zyrat e tyre në terren – selia ka qenë prej kohësh midis Vilniusit dhe Gjermanisë – Navalnaya ka mbajtur mospërfshirje formale në FBK, dhe me përpikëri e mban rolin e saj të ndarë nga puna e Fondacionit.

Pika e parë e planit të saj të emergjencës, e cila e lejoi atë, këtë vit, të vizitonte burrin e saj në burg sa më gjatë që të ishte e mundur, të shkonte në seancat gjyqësore teksa Kremlini vazhdonte të shpikte akuzat dhe ndjekjet penale.

Ndryshe nga bashkëshorti i saj, Navalnaya është aktualisht jashtë Rusisë, siç shpjegohet nga Tatiana Stanovaya, bashkëpunëtore e lartë në Qendrën Eurasia Carnegie Russia.

“Për regjimin rus, ky është një lajm shumë i keq”.

Yulia lëviz shumë. Me konfidencialitet ekstrem.

Ajo ka dy fëmijë në vende që, shpresojmë, mund t’i mbrojnë ata si në aspektin e inteligjencës ashtu edhe në forcat policore, sepse vendndodhjet dihen,

Dasha u kthye për të studiuar në Stanford, Zakhar mbeti në shkollë me konvikt në Gjermani.

“Yulia ka treguar guxim të madh, sepse është e qartë se ajo do të jetë objektivi i ardhshëm i Kremlinit”, ka thënë Lyubov Sobol.

Gruaja e Navalny-t vazhdon sfidën e saj të lirisë.

Kurse Putin-i vazhdon – ose më mirë e zgjeron – sfidën e tij.

Gjithsesi ky është problemi për një grua beqare: sepse është një fantazi që shërbimet perëndimore e mbrojnë atë.

Kushdo që njeh dikë nga skuadra e Navalny-t, i ka parë ata të enden të vetëm dhe të pambrojtur në ndonjë kryeqytet evropian.

Kremlini është përpjekur prej kohësh ta shkatërrojë atë duke shpifur për të, duke e quajtur të mbrojtur të CIA-s, duke shpikur lidhje dashurie jashtëmartesore me oligarkët pro-perëndimorë, duke ndërtuar një baba agjent të KGB-së që nuk ekziston, ose duke përhapur fjalë se Yulia ka nënshtetësi gjermane.

Një tjetër gënjeshtër.

Megjithatë, ajo nuk është një grua që mund ta përulësh me dezinformata.

Dhe loja do të jetë për t’u mbrojtur nga banditët e Moskës. Ata që ai i lavdëron solemnisht.

Marrë nga “La Stampa”, përshtatur për “Albanian Post”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.