Jep dorëheqje këshilltarja e Osmanit

Donjeta Miftari ka dhënë dorëheqja nga pozita e këshilltares së Presidentes së Kosovës, Vjosa Osmani.

Ajo ka qenë këshilltarja kryesore e Osmanit për komunikim, ndërsa lajmin për largimin e saj nga kjo pozitë e ka bërë vetë Miftari.

Përmes një cicërime në rrjetin social “Twitter”, ajo ka thënë se “pas disa vitesh të pabesueshme pune në vendin tim të mrekullueshëm të lindjes, ka ardhur koha që unë të kthehem në shtëpi në Londër”.

“Një falënderim nga zemra për Presidenten e shquar dhe frymëzuese Vjosa Osmani që më dha mundësinë dhe nderin e jashtëzakonshëm të punoj në ekipin e saj”, ka shkruar Miftari në “Twitter”.

After an incredible few years of working in my wonderful country of birth, the time has come for me to return home to London.

A heartfelt thank you to the remarkable &inspiring President @VjosaOsmaniPRKS who gave me the extraordinary opportunity & honour of working on her team. pic.twitter.com/S76kiDv9E0

— Donjeta Miftari (@miftaridonjeta) June 30, 2023

Ndërkaq, ajo kujtoi kohën kur për shkak të luftës së fundit në Kosovë ishte larguar nga vendi, duke pohuar se shërbimi si këshilltare pranë presidentes së Kosovës për të ka qenë një privilegj.

“Duke qenë i detyruar të ikë si refugjat në kohën më të errët për popullin tonë, ka qenë një privilegj i jashtëzakonshëm të kthehesh në një Kosovë të pavarur dhe të lulëzuar si këshilltare”.

“Shumë mirënjohës për njerëzit që e bënë këtë rrugëtim edhe më të veçantë”, potencoi Miftari, duke shtuar “Kosovë, të dua”.

“Deri herën tjetër”, ka përfunduar ajo.

Për punën e saj deri të tanishme, e ka falënderuar zyra e presidencës së Kosovës.

Përmes një cicërime në “Twitter”, nga presidenca kanë theksuar se “ndërsa filloni një kapitull të ri në rrugëtimin tuaj profesional, ne shprehim falënderimet tona të sinqerta për punën e palodhur, përkushtimin dhe pasionin që keni demonstruar vazhdimisht”.

“Ju urojmë më të mirat!”.

Thank you @miftaridonjeta!

As you embark on a new chapter in your professional journey, we extend our sincere thanks for the hard work, dedication, & passion you have consistently demonstrated.

We wish you the very best! https://t.co/OHPA81wTrz

— Office of the President, Republic of Kosovo 🇽🇰 (@Presidenca_RKS) June 30, 2023

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.