Janë fshirë shumë të dhëna nga sistemi qeveritar dhe hacker-ët kanë pasur akses në gjithë rrjetin, mëson Albanian Post
Byroja Federale e Hetimit (FBI) dhe Agjencia e Sigurisë Kibernetike dhe Sigurisë së Infrastrukturës në SHBA (CISA) kanë publikuar të mërkurën e 21 shtatorit një raport shterues mbi sulmet (operacionet) kibernetike të Iranit kundër Qeverisë së Shqipërisë.
Një raport tejet i detajuar dhe me teknikalitete, por i cili linte të kuptoheshin dy gjëra madhore: Hacker-ët kanë qenë prej 14 muajsh në sistem dhe kanë qenë të përfshirë “malware” shkatërrues.
Megjithatë, për sytë e jo ekspertëve, të gjitha detajet e publikuara nga raporti i FBI-së, ngjajnë thjesht si të dhëna dhe asgjë më shumë.
Por, e vërteta, qëndron përtej kësaj…
Albanian Post, lidhur me çështjen e sulmeve kibernetike iraniane në Shqipëri, është konsultuar disa herë me gjigandin e sigurisë kibernetike Mandiant, i cili së fundmi është blerë nga Google.
Për të dekriptuar më në detaje raportin e pasqyruar nga FBI, ekspertët e Mandiant janë pyetur nga Albanian Post dhe në bazë të specifikave të dhëna, bëhet me dije se po, hacker-ët iranianë kanë fshirë të dhëna qeveritare nga sistemi.
Ky detaj nuk është pranuar nga Qeveria shqiptare deri më tani, ku deklarata të herë pas hershme kanë informuar publikun se “fshirja e të dhënave nuk ka ndodhur, pasi sistemi vetë nuk funksionon në të tillë mënyrë dhe i ruan të gjitha dokumentet”.
Shefi i analizës së spiunazhit kibernetik pranë Mandiant, Benjamin Read, ekipi i të cilit drejton gjurmët dhe raportet mbi grupet e spiunazhit nga Kina, Rusia, Koreja e Veriut dhe shumë vende të tjera, ka shpjeguar për Albanian Post se raporti i FBI-së, përmend “një sasi të madhe të dhënash, të cilat janë fshirë nga rrjeti qeveritar”.
Pavarësisht kësaj, nuk përmendet dhe nuk ka detaje, nëse këto të dhëna, kanë qenë të një ndjeshmërie apo rëndësie të lartë. Ajo çfarë përmendet, është se të gjitha të dhënat e fshira, rezultojnë në përmbledhjen e ekspertizës se “janë dokumente private, që i përkasin Qeverisë”.
Për këtë arsye dhe duke parë se i gjithë sulmi është shtrirë në harkun kohor të 14 muajve, Albanian Post është interesuar edhe mbi shkallën e mësymjes iraniane në sistem.
Sa i përket kësaj çështjeje, Read ka bërë një parantezë, ku shpjegon se është e vështirë të thuhet se sa e gjerë ka qenë shkalla e sulmit në tërësi.
Por, në bazë të asaj çfarë shkruhet në raport, sugjestionohet qartë se sulmuesit, kanë pasur akses në pjesën më të madhe të rrjetit dhe ndaj këtij të fundit, janë ndërmarrë rishtazi sulme për fshirje të dhënash.
Kështu, sipas analizës së ekspertëve më të mirë nga Mandiant, nuk ka dyshime se fshirje të dhënash në shkallë të gjerë ka pasur.
Pyetja, rrjedhimisht, nuk mundet të mos mungojë, mbi çfarë të dhënash përfshihen tek kjo fshirje masive dhe nëse diku tjetër, ato janë të ruajtura…apo të sigurta.
Fjala për të dhënë përgjigje, i takon Qeverisë!
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Ra në kontakt me energjinë elektrike, humb jetën 45-vjeçari në Ishull-Lezhë
-
Pas reagimit të Ramës, drejtuesi i Report thotë se do të ketë emision tjetër rreth Shqipërisë
-
Qëndrimi i Ramës ndaj emisionit italian ‘Report’, Bardhi: Sjellje tipike e njeriut që ka humbur qetësinë
-
Përgatiten avionët e parë me refugjatë drejt Ruandës, Sunak: Marrëveshja me Shqipërinë reduktoi me 90% gomonet
Lajmet kryesore
-
Macron, Kurtit: Franca do progres të shpejtë në çështjen e Asociacionit sidomos në kontekstin e Këshillit të Evropës
-
Përgatiten avionët e parë me refugjatë drejt Ruandës, Sunak: Marrëveshja me Shqipërinë reduktoi me 90% gomonet
-
Kryeministri australian e quan Musk ‘një miliarder arrogant që mendon se është mbi ligjin’
-
Pas reagimit të Ramës, drejtuesi i Report thotë se do të ketë emision tjetër rreth Shqipërisë