Anësori 17-vjeçar, Jamie Bynoe-Gittens-i, është bashkuar me skuadrën e parë të Borussia Dortmund-it për gjysmën e dytë të sezonit në Bundesliga.
Në shtatorin e 2020, ai u bashkua me verdhezinjtë, pasi erdhi nga akademia e Manchester City-t. Akademi e cila ka nxjerrë edhe emra si Phil Foden-i dhe Jadon Sancho-n.
Sancho-n Dortmun-i e mori po nga akademia e City-t, përpara se ta shiste te Manchester United në verën e kaluar, për shifrën e 85 milionë eurove. Bynoe-Gittens-i përfaqësohet nga i njëjti agjent si Sancho.
I lindur në Londër në vitin 2004, Bynoe-Gitten-i vjen nga një familje me orgjinë nga Karaibet, saktësisht nga Barbadosi.
Hapat e parë në futboll i mësoi në akademinë “Hogwood Park”, që është akademia e klubit të Reading-ut në Championship-in anglez.
Ai është pjesë e Anglisë U-16, duke u konsideruar si një nga talentet më të rëndësishëm të grupmoshës së tij.
Me një gjatësi prej 1.75 metra, ai shquhet për fizikun e fortë, kreativitetin me topin, krosime të mira nga e majta dhe finalizim.
Duke ndjekur gjurmët e Sancho-s dhe Jude Bellingham-it, Bynoe-Gittens-i është talenti i tretë më i mirë anglez qe ka luan në “Signal Iduna Park”.
17-vjeçari do të rivalizojë me Thorgan Hazard-in, Julian Brandt-in dhe talentin tjetër Ansgar Knauff-in për një vend në formacion.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
