Jadon Sancho thuhet se nuk e ka përjashtuar mundësinë e qëndrimit te Manchester United, me sulmuesin që vonon një vendim përfundimtar për të ardhmen e tij derisa të adresohet situata e pronësisë.
Blerja prej 25% e aksioneve nga Sir Jim Ratcliffe të 20 herë kampionëve të Anglisë do të konfirmohet në të ardhmen e afërt, me miliarderin britanik që pritet të marrë përsipër operacionet e futbollit në “Old Trafford”.
Një raport i kohëve të fundit pohoi se Sancho-s mund t’i jepet shansi për të shpëtuar karrierën e tij te Man United nën Ratcliffe, me reprezentuesin anglez që mund të përfitojë nga ndryshimi i pronësisë.
Sipas gazetarit gjerman, Florian Plettenberg, ish-djaloshi i Manchester City-t është ende i prirur drejt largimit gjatë afatit kalimtar të janarit.
Plettenberg pretendon se një hua me një opsion për të blerë është “skenari më realist”, me Juventus-in që besohet të jetë në krye të radhës për nënshkrimin e tij.
Megjithatë, gazetari pretendon se Sancho nuk e ka përjashtuar plotësisht mundësinë e qëndrimit te Man United dhe do të ishte i hapur për të diskutuar të ardhmen e tij me Ratcliffe përpara se të bënte një lëvizje përfundimtare.
23-vjeçari nuk ka luajtur për “Djajtë e Kuq” që nga fundi i gushtit për shkak të mosmarrëveshjes së tij me trajnerin Erik ten Hag, që erdhi nga mospërfshirja e tij në skuadrën e ditës së ndeshjes kundër Arsenal-it.
Ten Hag u tha mediave pas ndeshjes në fillim të shtatorit se Sancho ishte lënë jashtë për shkak të disa paraqitjeve të dobëta në stërvitje, por në një postim në rrjetet sociale, lojtari këmbënguli se nuk ishte kështu, duke pretenduar se ai ishte bërë “një kok turku”.
Sancho është hequr tërësisht nga ekipi i parë dhe marrëdhënia e tij me Ten Hag besohet të jetë inekzistente. Aktualisht ka spekulime rreth të ardhmes së Ten Hag, megjithatë, me sugjerime se ai mund të humbasë punën e tij nëse ekipi nuk është në gjendje për të marrë rezultate pozitive në tre ndeshjet e tyre të ardhshme.
Man United do të presë Chelsea-n dhe Bournemouth-in në dy ndeshjet e tyre të ardhshme në Premier League përpara se të mirëpresë Bayern Munich-un për një ndeshje që duhet fituar në Champions League javën e ardhshme.
Ten Hag i ka kërkuar klubit që ta mbështesë atë, por humbja e së shtunës 1-0 ndaj Newcastle në “St James’ Park” duket se ka qenë një rezultat shumë i dëmshëm si brenda dhe jashtë fushës.
Sancho bëri lëvizjen në “Old Trafford” nga Borussia Dortmund në korrik 2021, duke nënshkruar një marrëveshje pesëvjeçare, por ai ka luftuar për të lënë gjurmën e tij për gjigantët anglezë.
Sulmuesi ka arritur vetëm 12 gola dhe gjashtë asistime në 82 paraqitje për “Djajtë e Kuq”, por kuptohet se një numër i bashkëlojtarëve të tij po i kërkojnë Ten Hag që ta rikthejë atë në ekipin e parë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
