Anglia është përfaqësuar me katër ekipe në Ligën e Kampionëve në këtë sezon, Chelsea, Manchester City, Mancester United-i dhe Liverpool-i. Në garë kanë ngelur vetëm Chelsea dhe Manchester City. Në Europa Ligë, u përfaqësua me tre ekipe, Arsenal-i, Tottenham-i dhe Leicester-i.
Chelsea është dhe ekipi që ka përfituar më shumë të ardhura nga Liga e Kampionëve. Blutë kanë arritur të grumbullojnë 79.8 milionë paund. Pas tyre renditet, Manchester City me 76.8 milionë paund.
Të dy ekipet që kaluan fazën e çerekfinaleve, kualifikimi u solli nga 10.4 milionë paund. Nëse arrijnë të shkojnë në finale, atëherë ato do të marrin nga 13 milionë paund, përveç të ardhurave nëse e fitojnë Ligën e Kampionëve.
Nëse njëra nga Chelsea ose City, arrijnë që të ngrejnë trofeun, atëherë do të përfitojnë edhe 3.5 milionë paund të tjera.
Liverpool-i nuk ia doli të kualifikohej përballë Real Madrid-it, duke u ndalur në çerekfinale. Megjithatë, ish-kampionët e 2019 të Ligës së Kampionëve arritën të arkëtonin 60.9 milionë paund.
Manchester United-i nuk kaloi grupet e Ligës së Kampionëve, por aktualisht është në gjysmëfinalen e Ligës së Europës. Djajt e Kuq kanë përfituar deri më tani 50.7 milionë paund.
Nga ekipet e tjera që ishin në Europa Ligë, Arsenal-i që gjithashtu është në gjysmëfinale, ka përfituar 14.4 milionë paund. Tottenham-i përfitoi 10.4 milionë paund dhe Leicester-i 7.7 milionë paund.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
