Ish-shefi i misionit të EULEX-it ndihet i nderuar pasi Osmani e dekori me medalje presidenciale
Ish-shefi i misionit të EULEX-it në Kosovë, Lars-Gunnar Wigemark, e ka vlerësuar medaljen presidenciale për sundimin e ligjit që presidentja Vjosa Osmani ia dha të premten në takimin lamtumirës.
Wigemark përmes një cicërime në rrjetin social “Twitter”, ka thënë se “jam i nderuar dhe thellësisht i prekur që kam marrë Medaljen Presidenciale për Sundimin e Ligjit nga Presidentja e Kosovës, Vjosa Osmani.
“Pas më shumë se tre vitesh në drejtimin e EULEX-it në Kosovë, kjo është mënyra më e mirë për të përfunduar mandatin tim si Shef i EULEX-it. Faleminderit!”, shkroi ai në “Twitter”.
I am honored and deeply moved to have received the Presidential Medal for Rule of Law by #Kosovo President @VjosaOsmaniPRKS. After more than three years with @EULEXKosovo, this is the best way to conclude my term of office as Head of #EULEX. Thank you! pic.twitter.com/GS13Qp4r3l
— Lars-Gunnar Wigemark (@LarsGWigemark) June 10, 2023
Presidentja e Kosovës, Vjosa Osmani, ka pritur të premten në takim lamtumirës shefin e misionit të EULEX-it në Kosovë, Ambasadorin Lars-Gunnar Wigemark, të cilin e kishte dekoruar me medalje presidenciale për sundim të ligjit.
Siç njoftonte zyra e presidentes “në takimin me Ambasadorin Wigemark, Presidentja Osmani diskutoi edhe për zhvillimet e fundit në vend dhe për bashkëpunimin e institucioneve të Republikës së Kosovës me EULEX-in për tejkalimin e këtyre sfidave”.
“Presidentja Osmani vlerësoi kontributin e EULEX-it në promovimin e sundimit të ligjit dhe theksoi përkushtimin e vazhdueshëm të institucioneve të Kosovës për të arritur qëllimet e sigurisë dhe sundimit të ligjit në secilën pjesë të territorit të Republikës së Kosovës”, thuhej në njoftim.
Po ashtu, gjatë takimit e para e vendit ka dekoruar shefin e EULEX-it me medalje presidenciale për sundimin e ligjit, dhe ka theksuar rëndësinë e partneritetit mes institucioneve të Kosovës dhe organizatave partnere ndërkombëtare që operojnë në fushën e sigurisë dhe sundimit të ligjit.
“Presidentja Osmani falënderoi EULEX-in për bashkëpunimin e tyre me institucionet e Republikës së Kosovës në fuqizimin e sundimit të ligjit në kuadër të mandatit ekzistues për këshillim, mentorim dhe monitorim”.
Gjithashtu, në njoftim thuhet se dekorimi me medaljen presidenciale për sundim të ligjit paraqet “vlerësimin dhe mirënjohjen e thellë të Republikës së Kosovës ndaj Ambasadorit Wigemark dhe EULEX-it për përkrahjen dhe bashkëpunimin e tyre të palëkundur në ndërtimin e një shoqërie të drejtë dhe të sigurt në Kosovë”.
Osmani pret në takim lamtumirës shefin e misionit të EULEX-it, e dekoron me medalje presidenciale
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
BQE ushtron presion mbi bankat evropiane: Largohuni menjëherë nga Rusia – Moska kërcënon me shpronësim
-
Sullivan pritet të takojë Netanyahun, i cili është nën presion politik
-
Është “minimizuar” mundësia për të marrë antidepresivë pa recetë – Intervista e Albanian Post me Sadik Lalën, psikiatër
-
Kosova dhe ShBA-ja nënshkruajnë marrëveshje kundër manipulimit të informacionit nga shtetet e huaja
Lajmet kryesore
-
Është “minimizuar” mundësia për të marrë antidepresivë pa recetë – Intervista e Albanian Post me Sadik Lalën, psikiatër
-
Promovimi i barazisë, përfshirjes sociale dhe mosdiskriminimit në Shqipëri
-
Sullivan pritet të takojë Netanyahun, i cili është nën presion politik
-
Mustafa: Ndërkombëtarët s’po e kërkojnë Asociacionin tim e të Thaçit, por Zajedincën e Kurtit