Ish-partnerët Ben Affleck dhe Jennifer Garner ndajnë momente intime brenda makinës së bashku

Regjisori, Ben Affleck dhe ish-gruaja e tij, aktorja, Jennifer Garner u kapën duke ndarë një moment të dyshimtë së bashku, teksa ishin në makinën e yllit të “Armageddon” në Los Anxhelos.

Në fotot e marra ekskluzivisht nga Page Six, transmeton AlbanianPost, dy ish partnerët ndanë një përqafim, ndërsa Garner u përkul përpara nga sedilja e pasme e automjetit të Affleck.

Vajza më e vogël e ish-çiftit, Seraphina, ishte ulur në anën e pasagjerit pranë babait të saj.

Në një moment, ylli i “Justice League”, 51 vjeç, u pa duke u përkulur drejt shpatullës së ish-bashkëshortes së tij përpara se ajo të dilte nga makina.

Të dy ishin të gjithë të buzëqeshur së bashku ndërsa Affleck – i cili gjithashtu ndan vajzën Violet dhe djalin Samuel me Garner – e çoi yllin e “13 Going On 30” përsëri në automjetin e saj pasi mori një nga vajzat e tyre.

Garner, e cila kishte veshur një bluzë të bardhë dhe xhinse blu, i dha një buzëqeshje yllit të “Gone Girl”, ndërsa ajo po ikte drejt makinës së saj.

Ish-çifti kanë mbajtur një marrëdhënie miqësore bashkë-prindërore pavarësisht thashethemeve për tradhti dhe problemet e lojërave të fatit që dyshohet se kanë çuar në divorcin e tyre.

Affleck dhe Garner u martuan në vitin 2005. Një ditë pasi festuan 10 vjet martesë, të dy njoftuan se po ndaheshin.

Aktorja e “Alias” që atëherë ka nisur romancë me biznesmenin John Miller, derisa në anën tjetër, regjisori i filmit “Argo” i është rikthyer ish të dashurës së dikurshme, këngëtares, Jennifer Lopez.

Lopez, nga ana e saj, ndan binjakët Max dhe Emme me ish-burrin Marc Anthony.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.