Ish-kreu i Mossad dyshohet se ka kërcënuar prokuroren e ICC-së për hetimin e krimeve të luftës

Ish-kreu i Mossad, Yossi Cohen, dyshohet se ka kërcënuar kryeprokuroren e Gjykatës Penale Ndërkombëtare, Fatou Bensouda, për t’i bërë presion asaj që të braktiste hetimin për krimet e luftës që i atribuohen Izraelit.

Kontaktet sekrete të Cohen me Bensouda-n, thuhet se ndodhën në vitet para vendimit për të hapur një hetim zyrtar për krimet e supozuara të luftës dhe krimet kundër njerëzimit në territoret e pushtuara palestineze.

Hetimi, i cili filloi në vitin 2021, arriti kulmin javën e kaluar kur pasardhësi i Bensouda, Karim Khan, njoftoi synimin e tij për të lëshuar një urdhër-arresti për kryeministrin izraelit Benjamin Netanyahu për sjelljen e vendit të tij në luftën kundër Gazës.

Përfshirja personale e Cohen në operacionin kundër Gjykatës ndodhi kur ai ishte drejtor i Mossad.

Sipas një zyrtari të lartë izraelit, aktivitetet e tij ishin të autorizuara në një nivel të lartë dhe të justifikuara nga fakti se Gjykata përbënte një kërcënim për qëllimin e tij për të hapur procedura gjyqësore kundër personelit ushtarak izraelit.

Një tjetër burim izraelit ka thënë se qëllimi i Mossad ishte të komprometonte prokurorin ose ta detyronte atë të bashkëpunonte me kërkesat e Izraelit.

Një burim i tretë i afërt me operacionin ka thënë se Cohen po vepronte si “lajmëtari jozyrtar” i Netanyahut.

Cohen, i cili ishte një nga aleatët më të ngushtë të Netanyahut në atë kohë, drejtoi personalisht përfshirjen e Mossad në fushatën gati dhjetëvjeçare të vendit për të dobësuar Gjykatën, sipas The Guardian.

Katër burime kanë konfirmuar se Bensouda kishte informuar një grup të vogël zyrtarësh të lartë të ICC-së mbi përpjekjet e Cohen për të ndikuar tek ajo, i shqetësuar për natyrën gjithnjë e më këmbëngulëse dhe kërcënuese të sjelljes së saj.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.