Mesfushori spanjoll Isco do t’i nënshtrohet testeve mjekësore të hënën përpara se t’i bashkohet Sevilla-s si lojtar i lirë, thuhet në një deklaratë të klubit të La Liga.
Isco, kontrata e të cilit me Real Madrid skadoi muajin e kaluar, do të nënshkruajë një kontratë dyvjeçare në Sanchez Pizjuan.
Ai do të bëhet nënshkrimi i tretë i verës i Sevilla-s pas ardhjes së mbrojtësit brazilian Marcao në një transferim të përhershëm dhe mbrojtësit të majtë brazilian Alex Telles në huazim nga Manchester United.
30-vjeçari është nga Andaluzia dhe bëri përparim në klubet e qytetit të lindjes, Malaga, përpara se të transferohej në Madrid në vitin 2013.
Kujtojmë se Isco ka pasur një periudhë shumë të suksesshme me Real Madrid-in, ku ka fituar disa trofe të Ligës së Kampionëve.
Sevilla kishte një sezon shumë të mirë, duke përfunduar në pozitën e katërt, dhe duke u inkuadruar në Ligën e Kampionëve, por a do ta përmirësojë Isco skuadrën spanjolle, pritet të shihet.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
