Lajme

Iran-OKB: Arrihet ujdia për inspektimet


Inspektorët e Kombeve të Bashkuara do të kenë më pak akses në Iran për të kryer vëzhgime në uzinat bërthamore të Republikës Islamike. Kjo masë do të zgjasë për të paktën tre muaj. E rëndësishme, është që inspektimet do të kryhen.

Agjencia Ndërkombëtare mbi Energjinë Bërthamore nga ana tjetër, do të vijojë inspektime si zakonisht.

Ministri i Jashtëm iranian, Javad Zarif, ka lënë të hapur rikthimin e Irani-t nga marrëveshja me SHBA-në.

Kjo lëvizje vjen pasi Amerika ende nuk ka zbutur sanksionet ndaj Iranit. Në dhjetor 2020, Teherani zyrtar kaloi një ligj mbi kufizimin e aktivitetit të mbikëqyrësve të OKB-së në Iran.

Ministri i Jashtëm iranian, Javad Zarif, ka deklaruar më parë se marrja e këtij vendimi nuk e nxjerr Iranin nga marrëveshja me SHBA-në.

“Sanksionet amerikane kanë shkaktuar një dëm 1 trilion dollarë në ekonominë iraniane”, theksoi Zarif. “Gjithsesi, kufizimi i inspektimeve të OKB-së, nuk na nxjerr nga marrëveshja”.

Një tjetër problem i dalë nga kjo çështje, është gjetja e gjurmëve të uraniumit në disa uzina iraniane, të cilat ishin shpallur të braktisura prej dy dekadash.

Ky aspekt mund t’i japë shkasë ndërkombëtarëve të bllokojnë Iranin me kërkesat e tyre. Në këtë mënyrë, bisedimet SHBA-Iran mund të zhvillohen në afate më të gjata.

Ky kufizim i monitorimeve, nuk është hapi i parë konkret që merret pas tërheqjes së SHBA-së nga marrëveshja.

Në janar, shteti në Lindjen e Mesme rriti përqindjen e pastërtisë së uraniumit të prodhuar deri në 20%. Ky veprim shkaktoi alarm, edhe pse pastërtia është e pa mjaftueshme për prodhim bombash atomike.

Sekretari i Shtetit në SHBA, Antony Blinken, pritet të marrë pjesë në një takim me iranian Zarif. Kjo mbledhje do të ndërmjetësohet nga BE-ja.

Duhet theksuar se pa një rikthim të shpejtë të inspektimeve të plota, akordi bërthamor i vitit 2015 vihet në rrezik.

Albanianpost.com


Lajmet kryesore