Ministria e Inteligjencës e Iranit thotë se ka arrestuar një shtetas suedez me akuzën e spiunazhit pasi e kishte nën vëzhgim për disa kohë.
Një deklaratë e ministrisë së inteligjencës të shtunën nuk e përmendi emrin e shtetasit suedez dhe nuk dha ndonjë informacion në lidhje me moshën apo vendndodhjen e tij.
Është gjithashtu e paqartë nëse ky është i njëjti individ, arrestimi i të cilit ishte njoftuar nga ministria e jashtme suedeze në maj. Në atë kohë, Suedia kishte thënë se një turist rreth të 30-tave ishte arrestuar, por Irani nuk e kishte raportuar arrestimin.
Por deklarata e ministrisë iraniane të inteligjencës të shtunën përmendi se udhëtimet e individit të arrestuar u monitoruan nga afër që nga koha e papërcaktuar kur ai hyri në vend dhe se udhëtimet e tij ishin “kryer tërësisht jashtë destinacioneve dhe praktikave turistike”.
“Gjetjet nga struktura anti-spiunazh i ministrisë tregojnë se i dyshuari suedez ishte në kontakt me një numër elementësh të dyshuar evropianë dhe jo-evropianë në Iran, duke përdorur praktika profesionale të komunikimit”, thuhet në deklaratë.
Ministria tha se shtetasi suedez u rikthye në vend disa muaj më parë, menjëherë pasi u arrestua “një spiun tjetër evropian”.
Qëllimi i individit, pretendonte institucioni, ishte të zbulonte se si u arrestua personi tjetër dhe çfarë informacioni kishin ata, gjë që çoi në arrestimin e shtetasit suedez në përpjekje për të dalë nga vendi.
Ministria iraniane e inteligjencës njoftoi gjithashtu se personi i arrestuar kishte një histori udhëtimi në Izrael, armiku i madh i Iranit.
Në maj, inteligjenca iraniane arrestoi dy shtetas francezë të akuzuar se ndihmuan në organizimin e protestave nga mësuesit.
Javën e kaluar, inteligjenca iraniane dhe agjencitë e zbatimit të ligjit kanë njoftuar arrestimin e dy ekipeve të veçanta që dyshohet se punonin për agjencinë e spiunazhit të Izraelit Mossad.
Lajmi për arrestimin e shtetasit suedez vjen mes tensioneve në rritje midis Teheranit dhe Stokholmit.
Irani ka dënuar Suedinë për arrestimin dhe gjykimin e Hamid Nouri, një shtetas iranian i cili u dënua me burgim të përjetshëm në fillim të këtij muaji.
Nouri u dënua për vrasje gjatë kohës së tij si ndihmës i zv/prokurorit në burgun Gohardasht jashtë qytetit iranian të Karaj në 1988.
Teherani tërhoqi ambasadorin e tij në Suedi javën e kaluar për “konsultime”, por tha se nuk ka plane të menjëhershme për të ndërprerë apo reduktuar lidhjet diplomatike.
Irani po mban gjithashtu Ahmad Reza Jalali, një studiues iranio-suedez, si të burgosur që nga viti 2016 për akuzat për spiunazh.
Jalali u dënua me vdekje, por dënimi i tij ende nuk është kryer pavarësisht raportimeve në fillim të këtij viti se ai mund të ekzekutohej para fundit të majit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kurti përdor “X”-in për mashtrimin e radhës: Macron tha se na përkrahë për KiE pa asnjë kusht
-
Gjermania kërkon që Kosova ta dërgojë në Kushtetuese Asociacionin nëse do anëtarësim në KiE
-
Pentagoni, 1 miliard dollarë ndihmë të re ushtarake për Ukrainën
-
Ra në kontakt me energjinë elektrike, humb jetën 45-vjeçari në Ishull-Lezhë
Lajmet kryesore
-
Kurti përdor “X”-in për mashtrimin e radhës: Macron tha se na përkrahë për KiE pa asnjë kusht
-
Përgatiten avionët e parë me refugjatë drejt Ruandës, Sunak: Marrëveshja me Shqipërinë reduktoi me 90% gomonet
-
Pentagoni, 1 miliard dollarë ndihmë të re ushtarake për Ukrainën
-
Pas reagimit të Ramës, drejtuesi i Report thotë se do të ketë emision tjetër rreth Shqipërisë