Investimet strategjike/ Antikushtuese rrëzimi i kërkesës së opozitës për Komisionin Hetimor, thotë Alibeaj
“Është një çështje që ka interes publik dhe e drejta e opozitës, fatkeqësisht e nëpërkëmbur. Investimet strategjike, familjare strategjike në kurriz të pasurive publike, duket se është një skandal i madh, ndaj i largohen si djalli nga temjani”.
Kështu është shprehur kreu i Grupit Parlamentar të Partisë Demokratike, Enkelejd Alibeaj, për ngritjen e një komisioni hetimor për ligjin e investimeve strategjike, të cilin e ridepozitoi sërish në mbledhjen e Konferencës së Kryetarëve.
Sipas tij, mazhoranca nuk e pranoi kërkesën e Alibeajt, jo se nuk ishte në rend dite, por se kjo çështje “e demaskon qeverinë”.
“Ne kërkuam ngritjen e komisionit hetimor, që është nga instrumentet më të rëndësishëm të opozitës. Ne ridepozituam kërkesën, tashmë jo me 35, por me 37 firma. Në mënyrën më antikushtetuese, antiligjore, nga ana e anëtarëve të mazhorancës në konferencë rrëzohet kjo kërkesë”, u shpreh Alibeaj ndër të tjera.
Kujtojmë se Konferenca e Kryetarëve u mblodh për të vijuar me procedurat për zgjedhjen e Presidentit të Republikës së Shqipërisë.
Mes debateve opozitë-mazhorancë u vendos që raundi i katërt i votimeve do të mbahet më 4 qershor ora 18:00.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
“Jam i gëzuar që do bashkëpunoj me një profesor si Mickoski – kemi program fantastik me VMRO-në”, Arben Taravari intervistë për Albanian Post
-
Strategji kombëtare kundër emigracionit, Balla: Synojmë të frenojmë kërkesat për azil
-
Në ujërat greke, aty ku vendet evropiane mësojnë të luftojnë pa ndihmën amerikane
-
E enjtja e interpelancave – Opozita kërkon sqarime nga dy ministra