Inter-i është befasuar nga Empoli, duke u mposhtur në shtëpi me rezultat minimal, 0:1 nga Empoli, në ndeshjen e javës së 19-të në Serie A.
Zikaltrit ishin më të mirë në këtë ndeshje deri në minutën e 40-të, kur u ‘tradhëtuan’ nga kapiteni i tyre, Milan Skriniar.
Sllovaku u ndëshkua me kartonin e dytë të verdhë dhe u përjashtua nga loja.
Mysafirët e shfrytëzuan epërsinë numerike në fushë, derisa ia dolën të kalojnë në epërsi në minutën e 66-të.
𝐆𝐎𝐀𝐋 | 𝖨𝗇𝗍𝖾𝗋 0-1 𝖤𝗆𝗉𝗈𝗅𝗂 (𝖡𝖺𝗅𝖽𝖺𝗇𝗓𝗂) pic.twitter.com/DeN6S4ynw1
— EuroFoot (@eurofootcom) January 23, 2023
Ishte mesfushori kuqezi, Nedim Bajrami, që asistoi te talenti i Empoli-t, Tommaso Baldanzi, i cili shënoi për 0:1.
Deri në fund të sfidës, Empoli arriti ta ruajë mirë epërsinë minimale, kështu duke marrë tre pikë të arta.
Ndërkohë, minuta në fushë pati edhe për Kristjan Asllanin, i cili u aktivizua tek Inter-i në minutën e 76-të.
Pas kësaj disfate, Interi ka mbetur në vend të tretë në tabelë me një pikë prapa Milanit dhe 13 pikë prapa liderit Napoli.
Në anën tjetër, Empoli është ngritur në vend të nëntë në renditje me 25 pikë, dy më shumë se Juventusi që ndodhet në pozitën e dhjetë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
“Mund t’iu zhvatni lëkurën”, Alexander Clapp udhëtim në historinë kriminale në Mal të Zi
-
15 kompanive të mëdha u kërkohet të ndalojnë reklamat që nxisin dezinformimin rus në Ballkan
-
Situata në vijën e frontit është përkeqësuar, thotë shefi i ushtrisë së Ukrainës
-
Vdiq Ali Lajçi – ikona e “Pranverës ‘81”