Inter raportohet se i është bashkuar garës për të nënshkruar mesfushorin e Sassuolo-s, Davide Frattesi, i cili shihet si zëvendësues i Marcelo Brozovic-it, që pritet të largohet nga ambienti zikaltër në ditët e ardhshme.
“La Gazzetta dello Sport” pretendon se zikaltrit kanë hapur tashmë bisedimet paraprake me Sassuolo-n dhe agjentin e Frattesi-t, Beppe Riso, kështu duke iu bashkuar Juventusi-t, Romës dhe Milan-it në garën për të nënshkruar me mesfushorin e talentuar italian.
Sipas raportit, Frattesi është “veçanërisht i magjepsur” nga një lëvizje e mundshme në “Stadio Meazza” gjatë verës.
Asta per #Frattesi? L'Inter lancia la sfida a Juventus e Milan per il mediano https://t.co/KJIvoIF9cM
— La Gazzetta dello Sport (@Gazzetta_it) June 1, 2023
Interi është i vetëdijshëm se konkurrenca për Frattesi-n është e ashpër dhe mund t’i ofrojë yllit të tyre Giovanni Fabbian në një marrëveshje shkëmbimi lojtarësh plus para.
Sidoqoftë, nënshkrimi i Frattesi-t duket i lidhur me të ardhmen e Brozovic, i cili mund të largohet nga Milano në verë, pavarësisht nga një kontratë që skadon në qershor 2026.
Sipas “Gazzetta”-s, si PSG ashtu edhe Newcastle kanë shfaqur interesim për mesfushorin kroat dhe janë të gatshëm të shpenzojnë për transferimin e tij.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
