Instituti i Statistikave publikoi ditën e sotme bilancin vjetor të energjisë elektrike për vitin 2020.
Pavarësisht një rritjeje prej 2,1% nga viti 2019 në prodhimin neto vendas, energjia elektrike në dispozicion ka pësuar një rënie të lehtë me 0,3%.
Pjesa dërrmuese e prodhimit të energjisë vjen nga hidrocentralet, të ndara mes publikeve dhe privateve, respektivisht në masat 58,2% dhe 41,2%. Pjesa e mbetur prej 0,6% ka ardhur nga prodhues të tjerë të energjisë së rinovueshme.
Rritje ka patur edhe importi i energjisë, që arriti vlerën 3.239 GWh, një rritje me 2,0% nga viti i shkuar.
Po me rritje ka qenë edhe niveli i eksportit bruto, që ka arritur në 963 GWh. Pavarësisht se përbën rritje 25% nga viti 2019, deficiti në shkëmbimin e energjisë mbetet i lartë.
Diferenca mes eksportit dhe importit bruto të energjisë ka qenë për herë të fundit pozitive në vitin 2018. Megjithatë, krahasuar me një vit më parë, 2020-ta ka shënuar një rritje me 5,4% në favor të eksporteve.
Hidrocentralet publike prodhuan 3,7% më shumë energji elektrike se sa një vit më parë. Ndërsa hidrocentralet private dhe koncesionare kanë ulur performancën e tyre në prodhim me 0,6% në 2020.
Një problematikë e hershme e sistemit të shpërndarjes të energjisë elektrike ka të bëjë me humbjet në rrjet. Edhe këtë vit është ruajtur trendi rënës, duke zbritur me 1,3% nga viti 2019.
Në raportin e INSTAT rezulton se humbjet në transmetim kanë kontribuar me rritje prej 2,1% në totalin e humbjeve në rrjet. Megjithatë, pesha e tyre është vetëm 10,6% e totalit.
Humbjet në shpërndarje, që janë edhe zëri kryesor i humbjeve në rrjet, kanë rënë me 1,7% krahasuar me vitin 2019.
Përdorimi i energjisë elektrike nga konsumatorët pësoi një rritje të lehtë në vitin 2020.
Duket se karantina dhe mbylljet policore kanë shtyrë konsumatorët familjarë të shpenzojnë 7,8% më shumë energji elektrike gjatë vitit 2020 krahasuar me vitin paraardhës.
Ndërkohë, me rënie prej 6,7% ka rezultuar përdorimi nga konsumatorët jo familjarë.
I ndarë në tremujorë, viti 2020 ka patur rritje të prodhimit neto në tremujorët e parë dhe të tretë, dhe rënie në dy të tjerët.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Thaçi: Ëndrra ime është që të gjithë shqiptarët të jetojnë në një shtet
-
Mbi 14 milionë turistë priten këtë vit, Balla: Policia e Shtetit i ka marrë të gjitha masat
-
Aksioni i Frontex në Ballkan jep efekt, bien drastikisht kalimet e jashtëligjshme
-
Peleshi viziton qendrën e Inovacionit të Kërkimit dhe Mbrojtjes në Hungari
Lajmet kryesore
-
Aksioni i Frontex në Ballkan jep efekt, bien drastikisht kalimet e jashtëligjshme
-
Mbi 14 milionë turistë priten këtë vit, Balla: Policia e Shtetit i ka marrë të gjitha masat
-
Ose të dëgjojë SHBA-të ose të përgatitet për përshkallëzim – zgjedhja i takon Izraelit
-
Kurti për vizitën dy ditore në Gjermani: Kryefjala e vizitës ishte rëndësia e anëtarësimit të Kosovës në KiE