Ish-Presidenti i Shteteve të Bashkuara, Bill Clinton, është shtruar në një spital të Kalifornisë të martën e 12 tetorit, pas një infeksioni të traktit urinar.
Ky lajm u bë i ditur nga zëdhënësi i tij të enjten e 14 tetorit.
Bill Clinton, 75 vjeç, është në terapi intensive dhe sipas raportimeve të mediave ndërkombëtare, trupi i tij po i përgjigjet mirë antibiotikëve.
CNN raportoi se ai po trajtohet në Njësinë e Kujdesit Intensiv për një infeksion të mundshëm të gjakut të njohur si “sepsë”.
Sipas mediave amerikane, Clinton është në terapi intensive për shkak të privatësisë dhe jo si pasojë e gjendjes së tij.
Zëdhënësi tij sqaroi se Clinton nuk është shtruar nga një infeksion që lidhet me virusin COVID-19.
Në deklaratën e tij, dhënë për mediat, zëdhënësi zbulon se ish-presidenti është falenderues për stafin dhe përkujdesjen e tyre.
Nga raportimet e “The New York Times”, zbulohet se Clinton gjendej në Kaliforni për arsye pune me fondacionin e tij.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Ekskluzive: Franca kërkon shtyrje të vendimit për anëtarësim të Kosovës në KiE
-
Meta thotë se Rama dhe Veliaj janë përfshirë në fushatë në Maqedoninë e Veriut, jo Kurti
-
Publikohet dokumenti i armëpushimit që Hamasi e pranoi, por Izraeli e refuzoi – 3 faza në 3 muaj
-
Lajçak pret përgjigje konstruktive nga Kosova e Serbia mbi kompromisin e propozuar për dinarin
