Njësia e medias sociale Twitter në Indi ka caktuar një zyrtar rezident për ankesat, disa ditë pasi caktoi një zyrtar kryesor të pajtueshmërisë. Kjo për të përmbushur rregullat e reja të IT-së në vend, mes tensioneve me qeverinë.
Agjencia e lajmeve, Reuters, tregon se faqja amerikane e firmës në internet, ka nxjerrë të dielën e 11 korrikut Vinay Prakash si zyrtarin e ri të ankesave së bashku me detajet e tij të kontaktit dhe procedurat për përdoruesit që të raportojnë shkeljet e mundshme të rregullave dhe kushteve të platformës.
Pak ditë më parë, Twitter-i deklaroi para një gjykate indiane se do të caktonte një oficer të përkohshëm të ankesave për të respektuar rregullat e reja. Gjithashtu kishte bërë me dije se planifikonte të kishte një takim përfundimtar për punën në tetë javë.
Lidhur me rregullat e IT-së, të cilat u bënë efektive në fund të muajit majit, kanë për qëllim rregullimin e përmbajtjes në mediat sociale dhe presionin mbi firmat që të veprojnë më shpejt mbi kërkesat ligjore për të hequr postimet dhe për të shpërndarë detaje mbi krijuesit e mesazheve.
Mirëpo, ky vëzhgim i rregullatorëve mbi Twitter-in, së bashku me firmat e tjera si WhatsApp-i dhe Amazon-i, ka grumbulluar tensione midis firmave amerikane të teknologjisë dhe qeverisë së kryeministrit Narendra Modi dhe ka prishur mjedisin e biznesit në një treg kryesor që është në rritje..
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Osmani: Dërgimi i draft-statutit të Asociacionit në Kushtetuese është detyrë e Qeverisë
-
Ngrihet Qendra Rajonale e Inovacionit në Elbasan, e vetmja në Ballkanin Perëndimor
-
Përgatiten avionët e parë me refugjatë drejt Ruandës, Sunak: Marrëveshja me Shqipërinë reduktoi me 90% gomonet
-
Macron, Kurtit: Franca do progres të shpejtë në çështjen e Asociacionit, sidomos në kontekstin e Këshillit të Evropës
