IKSHPK: Vaksinohuni që të mos i kthejmë masat

Gjatë ditëve të fundit ka pasur rritje të rasteve me Covid-19, Instituti Kombëtar i Shëndetësisë Publike (IKSHPK), ka bërë thirrje për vaksinim të qytetarëve.

Përmes një postimi në llogarintë e tyre në mediat sociale, IKSHPK-ja ka shkruar se tashmë i njohur varianti indian “Delta”, që sipas tyre është rreziku më i madh në këtë kohë.

“Vaksinimi kundër COVID-19 shpëton jetë! Vaksinimi është metoda më e mirë, më e lirë dhe me efikase në luftë kundër COVID-19! Vaksinimi zgjon mbrojtjen natyrore të trupit tonë për të krijuar rezistencë ndaj infeksioneve specifike dhe e fuqizon sistemin imunitar! Vaksinimi parandalon vdekjet dhe komplikimet e rënda, të cilat kërkojnë shtrirjen e pacientit në spital”, ka shkruar IKSHP-ja.

IKSHPK-ja bënë thirrje të gjithë qytetarëve të Republikës së Kosovës, që të vaksinohen për të mos marrë masa rigoroze gjatë stinës së vjeshtës.

“Me vaksinim do ta kalojmë valën e re nga varianti Delta me sa më pak të sëmurë e sa më pak viktima. Asnjëra vaksinë që është në përdorim në Kosovë nuk përmban virus të gjallë që shkakton COVID-19. Kjo domethënë se nuk mund të sëmureni me COVID-19 nga vaksina”, thuhet në njoftimin e IKSHPK-së.

Sipas tyre, Kosova është i vetmi vend në rajon që ka dhënë vetëm vaksina të miratuar nga Agjencia Evropiane dhe Amerikane e Barnave, si Astra-Zeneca dhe Pfizer.

“Këto vaksina kanë sigurinë, cilësinë dhe efikasitetin, që e plotësojnë standardin evropian dhe atë amerikan”, shkruhet në njoftim.

Pasi që qytetarët kanë pasur rezerva për tu vaksinuar, IKSHPK u bënë thirrje që të tejkalojnë këto hezitime.

Gjithashtu, deri më tash në nivel vendi janë dhënë gati 375 mijë vaksina.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.