Deri më tani nuk është rapotuar asnjë rast i dyshimtë me linë e majmunëve, ka njoftuar Instituti Kombëtar i Shëndetit Publik.
IKSHPK-ja ka potencuar se po e përcjell me vëmendje situatën e krijuar, duke shtuar se “jemi në komunikim t vazhdueshëm me OBSH-në dhe ECDC-në, për vlerësimin e rrezikshmërisë dhe rekomandimeve për masat që duhet ndërmarrë për sëmundjen në fjalë”.
“Sa i përket furnizimit me vaksina për një sëmundje të tillë, IKSHP njofton se vaksina ende nuk është e disponueshme për distribuim dhe ekziston në botë vetëm vaksina kundër Variola Vera”, thuhet në njoftim.
IKSHPK në vazhdimësi po monitoron nga afër situatën epidemiologjike në shtetet e rajonit dhe në botë.
“Konform situatës do të njoftoheni menjëherë në kohë reale”.
Ndryshe, Izraeli dhe Zvicra kanë konfirmuar rastet e tyre të para të lisë së majmunëve, duke iu bashkuar disa vendeve evropiane dhe të Amerikës së Veriut në zbulimin e një sëmundjeje që është endemike në pjesë të Afrikës.
Simptomat përfshijnë ethe, dhimbje muskujsh, ënjtje të nyjeve limfatike, të dridhura, rraskapitje dhe një skuqje të ngjashme me linë e dhenve në duar dhe fytyrë.
Virusi mund të transmetohet përmes kontaktit të lëkurës ose nga një person i kontaminuar, si dhe përmes sendeve të përbashkëta si shtrati ose peshqirët.
Sipas Organizatës Botërore të Shëndetësisë, e cila aktualisht po punon për udhëzime të mëtejshme për vendet se si të zbusin përhapjen e sëmundjes, lija e majmunëve zakonisht pastrohet pas dy deri në katër javë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Kurti e di që dëmi i Zajednicës e eklipson çdo përfitim nga anëtarësimi në KiE
-
Azerbajxhani miraton heqjen e vizave me Shqipërinë
-
Osama Hamdane: Ne pranuam marrëveshjen e armëpushimit pa hequr dorë nga vijat tona të kuqe
-
Maqedonci kërkon që KFOR-i të qëndrojë në Kosovë derisa Serbia të demokratizohet