Igli Tare luajti me Simone Inzaghi-n dhe Pep Guardiola-n, duke këmbëngulur se “gjithmonë mund të ndjeni diçka të veçantë” për të dy që do t’i bënte ata trajnerë të mëdhenj te Inter-i dhe Manchester City respektivisht.
Ish-sulmuesi i Kombëtares së Shqipërisë bëri përshtypje te Lazio ku luajti së bashku me Inzaghi-n dhe më vonë ishte drejtor sportiv teksa italiani ishte trajneri i lacialëve. Ndërsa, me Guardiola-n ishte shok skuadre te Brescia.
“Kur Simone ishte lojtar, tashmë mund të ndjeje diçka të veçantë, dhe e njëjta gjë mund të thuhet për Guardiola-n. Ata thjesht kishin atë diçka të vogël shtesë”, tha Tare për “Radio Deejay”.
“Simone mund të duket i qetë dhe i lumtur, por është maskim. Në realitet, ai është një mendimtar shumë i thellë dhe i fokusuar në çdo detaj të vogël, nga minuta e parë deri në fund të ditës së tij të punës”.
“Ai gjithashtu ka diçka më shumë se trajnerët e tjerë në mënyrën se si arrin të krijojë një raport me ekipin dhe me lojtarët individualë”, shtoi Tare.
Dyshja u përballën në finalen e Champions League sezonin e kaluar, dhe pavarësisht diferencave të mëdha në buxhet, Inter-i u mund vetëm minimalisht nga Manchester City i Guardiola-s.
“Tabela e thotë mjaft qartë se Inter-i është skuadra më e fortë në Serie A”, vijoi Tare.
“Unë mendoj se Juventus-i është në vendin e dytë, por prisja më shumë prej tyre, duke pasur parasysh se ata nuk janë të hutuar nga konkurrenca evropiane. Ata mbeten një skuadër e fortë, ashtu si Milan-i. Do të them se ajo që po bën Bologna është një surprizë e mrekullueshme, me të vërtetë është një kënaqësi për t’u parë”, përfundoi ish-ylli kuqezi.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
