I vodhi kushërirës valixhen me para, Policia shpall në kërkim autorët

Policia e Tiranës mëngjesin e 6 janarit ka shpallur në kërkim dy shtetas, ë cilët dyshohen se kanë vjedhur 1 milionë 400 mijë lekë të rinj, 2 mijë e 770 euro, 340 paund dhe bizhuteri floriri.

Sipas Policisë shtetasit L. D., 36 vjeç banues në Tiranë, dhe Q. H., 26 vjeçe, banuese në Peshkopi, Dibër, kanë organizuar gjithë skemën e vjedhjes.

Përkatësisht 36-vjeçari ka marrë informacionin se kushërira e tij shtetasja K. Gj., do të udhëtonte nga Peshkopia në drejtim të Tiranës, me një valixhe me para.

Në bashkëpunim me të dashurën e tij – 26-vjeçaren – ka organizuar vjedhjen e valixhes. Konkretisht ajo ishte paraqitur si udhëtare në linjën e fugonit me të cilin do të udhëtonte shtetasja K. Gj., dhe pasi ka udhëtuar disa orë, ka zbritur në Tiranë, duke marrë edhe valixhen, me pretendimin se ishte e saj.

Në cilësinë e provës materiale u sekuestrua shuma e parave dhe disa bizhuteri floriri. Ndërkohë Policia po punon për kapjen e dy autorëve.

Materialet i kaluan Prokurorisë së Rrethit Gjyqësor Tiranë, për veprime të mëtejshme procedurale, për veprën penale “Vjedhja”, kryer në bashkëpunim.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.