![](https://albanianpost.com/wp-content/uploads/2024/04/1713536808_morine.jpg)
Policia Kufitare e Morinës ndaloi sot 36 vjeçarin turk Koray Aniç të shpallur në kërkim ndërkombëtar, të dënuar për krime kundër personit dhe armëmbajtje pa leje.
“Si rezultat i intervistimit të detajuar dhe shkëmbimit të informacionit ndërmjet Interpol Tiranës dhe homologëve në Turqi, u ndalua në hyrje të Shqipërisë, me qëllim ekstradimin në Turqi, shtetasi turk Koray Aniç, 36 vjeç”, njofton policia.
Ai ishte shpallur në kërkim ndërkombëtar, pasi Gjykata e Stambollit e ka dënuar me 4 vjet, 6 muaj e 5 ditë burgim, për rrëmbim, kanosje dhe armëmbajtje pa leje.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com