Ish kryeministri i Kosovës dhe deputeti nga radhët e Lidhjes Demokratike të Kosovës, Avdullah Hoti, ka kritikuar Qeverinë e Kosovës për mënyrën e përdorimit të demagogjisë politike për të mashtruar qytetarët.
Hoti, përmes një shkrimi në rrjetin social ‘Facebook’, konsideron se me demagogji nuk mund të udhëhiqet një shoqëri demokratike.
Madje sipas tij, Qeveri Kurti, “fundin e ka afër”.
“Me demagogji mund të mashtrohen masat për të fituar një palë zgjedhje. Me demagogji mund të mbahet entuziazmi i masave për një kohë të shkurtër”.
“Por me demagogji nuk mund të qeveriset një shoqëri demokratike”.
Hoti, vazhdimisht e ka kritikuar Qeverinë e Kosovës për mënyrën e udhëheqjes së Kosovës.
Madje më 18 gusht, për keqpërdorimin që është bërë me rezerva shtetërore ai kishte thënë se “ky pushtet e ka humbur rrugën” duke thënë se “duhet larguar sa më parë”.
“Me rezervat shtetërore është bërë pazar nga persona privat (sipas deklarimit në media). Ndërkaq, Ministrja sot e ka hallin se zyrtarët policorë, të cilët sot i kanë konfiskuar materialet nga Ministria, nuk kanë certifikatë të sigurisë për qasje në dokumentacion për rezervat shtetërore”.
Në situata të tilla, sipas Hotit, kryeministrit do të duhej të kërkonte hetim të plotë e të shpejtë, duke vendosur veten dhe vartësit e tij në dispozicion të drejtësisë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Mexhiti: Po punojmë çdo ditë që ish ushtari i UÇK-së të lirohet
-
LDK-ja pranon ftesën e Osmanit për diskutimin e datës së zgjedhjeve
-
Elshani për garën e kërcimit në Ujman: Për ne është detyrë, dikush mund ta shoh si provokim
-
KFOR: Kemi patrullime të rregullta në kufirin me Serbinë për siguri dhe stabilitet
