Hill: SHBA-të 100 për qind e mbështesin propozimin franko-gjerman (evropian), duhet marr shumë seriozisht

Ambasadori i Shteteve të Bashkuara të Amerikës në Serbi, Christopher Hill, duke folur për propozimin franko-gjerman (evropian) për dialogun mes Kosovës dhe Serbisë, tha para gazetarëve në Beograd se ky propozim duhet të merret shumë seriozisht nga dyja palët.
Ai theksoi se për sa i përket SHBA-së dhe BE-së, propozimi evropian është rruga e duhur që duhet ndjekur për të zgjidhur problemin mes Kosovës dhe Serbisë.
“Kjo është arsyeja pse ju duhet ta konsideroni seriozisht këtë propozim dhe të mendoni për mënyrat për ta miratuar atë dhe për të punuar në të”, tha Hill.
“Të gjithë po përpiqen të gjejnë një zgjidhje në mënyrë që të shohim edhe një herë vendosjen e paqes dhe situatave pozitive në rajon. SHBA-të 100 për qind e mbështesin propozimin e BE-së”.
Hill, është pyetur nga gazetarët se sa realiste është që BE-ja të vendos sanksione ndaj Serbisë nëse Beogradi nuk e pranon propozimin e ri evropian për zgjidhjen e çështjes së Kosovës, diplomati amerikan theksoi se “nuk është në gjendje të flas”.
“Unë nuk jam në gjendje të flas për sanksione. BE-ja është shumë serioze kur bëhet fjalë për sanksionet e vendosura kundër Rusisë në të cilat marrin pjesë të gjithë, megjithëse nuk është e lehtë për ta”, shtoi ai.
“Sanksionet e vendosura nga BE-ja ndaj Rusisë u vendosen për të ndaluar agresionin e tmerrshëm dhe të paligjshëm kundër fqinjit të saj – Ukrainës”.
/Albanianpost.comIniciativa diplomatike: Perëndimorët me hapa të shpejtë në dialog
-
“Mbi 700 milionë euro po rrinë, rinia po largohet”, Limaj kritikon Qeverinë
-
India pret më shumë përleshje me trupat kineze në Himalaje
-
Intel zhvlerësohet në treg me një rekord prej 8 miliardë dollarësh
-
Bild për propozimin franko-gjerman: Serbia përballë ultimatumit, të shkojë nga BE-ja ose të humbë gjithçka për Putinin
Lajmet kryesore
-
E ardhmja e Ballkanit Perëndimor në sytë e “optimistit tragjik”, Edi Rama rrëfehet për median malazeze
-
“Terrorist i ndyrë”, fëmijët azilkërkues u kërcënuan në hotelin e autoriteteve britanike
-
Italia nënshkruan një marrëveshje gazi prej 8 miliardë dollarësh me Libinë
-
Bajrami – Muratit: Ministër, mos thuaj të pavërteta, me vjen keq që je kaq injorant