Sport

Hidhet shorti për fazën e grupeve në Conference League, Ballkani në Grupin G me Sllavia Prague-n


Sot (premte) në Stamboll, është hedhur shorti i Conference League-s për fazën grupore të sezonit 2022/2023.

Një ditë më parë, Ballkani shkruajti historinë, duke u bërë skuadra e parë nga Kosova që kualifikohet në një kompeticion evropian.

Skuadra nga Theranda mposhti Shkupin me rezultat 1:0 në stadiumin “Fadil Vokrri”, ndërsa rezultati i përgjithshëm ishte 3:1 për Ballkanin.

Ekipet e kualifikuara në fazën e grupeve kanë mësuar kundërshtarët e tyre të ndara në tetë grupe.

Ballkani përfundoi në Grupin G me Slavia Praha-n, CFR 1907 CLUJ e Sivasspor.

Therandasit kanë një grup mjaft të vështirë, por sipas performancave të fundit, kanë mundësi shumë të mirë për të kaluar edhe grupet.

Grupi A: Istanbul Basaksehir, ACF Fiorentina, Heart of Midlothian, HFS

Grupi B: West Ham, Football Club FCSB, RSC Anderlecht, Silkeborg

Grupi C: Villareal, Hapoel Beer-Sheeva, Austria Wienna, KKS Lech Pozna

Grupi D: FK Partizan, FC Koln, OGC Nice, Slovacko

Grupi E: Az Alkmaar, Apollon Limassol, FC Vaduz, Dnipro-1

Grupi F: Gent, Molde FK, Shamrock Rovers FC, Djurgardens

Grupi G: SK Sllavia Praha, CFR 1907 CLUJ, Sivasspor, Ballkani

Grupi H: FC Basel, SK Slovan Bratislava, FC Zalgris Vinius, Pyunik

Kujtojmë se edicioni i parë i Conference League u mbajt sezonin e kaluar, ku finalja u mbajt në Tiranë, dhe fitues u shpallën Roma.

/Albanianpost.com


Lajmet kryesore