Ndërsa Luis Rubiales përballet me akuza për ngacmim kundër Jenni Hermoso dhe për korrupsion, keqmenaxhimi dhe pastrim parash për rastin e Superkupës në Arabinë Saudite, pasardhësi i tij i përkohshëm, Pedro Rocha gjithashtu është regjistruar në regjistrin e të dyshuarve për krimet e fundit.
Rocha, kandidati i vetëm për president të Federatës Spanjolle të Futbollit, ka shkuar në gjykatën 4 të Majadahonda, ku ai u njoftua për ndryshimin e pozitës së tij nga dëshmitar në i dyshuar.
Hetimet fokusohen në kontratat e nënshkruara nga Federata e Futbollit në periudhën 2018-2023, periudhë në të cilën Rocha ishte nënkryetar, pas Rubiales.
Në deklaratën e tij, Rocha siguroi se kishte mësuar nga shtypi për pjesëmarrjen e Gerard Pique, llogaritë bankare të të cilit janë nën analizë të kujdesshme nga hetuesit, në kontratën e Arabisë Saudite.
Megjithatë, ai nuk sqaroi pse federata e futbollit përdori konsulentë të jashtëm, kur tashmë kishte të tjerë në listën e pagave.
Sipas asaj që raporton “Marca”, në orët në vijim Gjykata Administrative e Sportit duhet të ndjekë letrën e dërguar nga Këshilli i Lartë i Sportit, pas ankesës së Miguel Galan për përjashtimin e Rocha-s nga gara për postin e presidentit të federatës së futbollit, duke krijuar kështu një vakum pushteti derisa të gjendet një kandidat i aftë.
Një skualifikim nga gjykata, në fakt, do ta bënte kandidaturën e Rocha-s të papranueshme.
Zgjedhjet për të gjetur një president të ri për të zëvendësuar Rubiales-in do të zhvillohen më 6 maj.
Dorëheqja e Luis Rubiales, federata spanjolle cakton datën e zgjedhjeve presidenciale
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Mustafa për AP: Paradoksal dhe jo-serioz propozimi i Qeverisë për Asociacionin që s’e ka trajtuar dialogu
-
Operacioni i SPAK, Balla: Lufta kundër krimit të organizuar po jep rezultat
-
Moska dhe Pekini qëndrojnë së bashku teksa konflikti shkatërron Ukrainën
-
Haradinaj: Dështimi në KiE i faturohet Kurtit – eksperimentet e tij shkaktuan dështimin më të madh