Hasi – “Anglia e Vogël”

Në Shqipëri ekziston një qytet, ku ëndrra e gjithsecilit është Mbretëria e Bashkuar.

I vendosur në veri të vendit, gjendet qyteti, i cili vetëquhet “Anglia e Vogël”.

Rrugët e tij janë të mbushura me makina luksoze, të gjitha me targë angleze.

Bëhet fjalë pikërisht për qytetin e Hasit.

Me një popullsi prej 17 mijë banorësh, pas rënies së komunizmit, ata kishin veç një ëndërr: të mbërrinin në Mbretëri.

Meti, një 28-vjeçar, e realizoi ëndrrën e tij.

Edhe pse nuk e pati të lehtë. Rrugëtimi i tij nisi me vështirësi të shumta.

Megjithatë, tanimë ka një leje të përkohshme për të qëndruar aty, si dhe do të ketë të drejtën për të aplikuar për shtetësi në dy vite.

Ai sjell një copëz dëshmie të sakrificave që i është dashur të përshkojë: strukur në pjesën e pasme të një kamioni, përfundoi në Dover.

Tanimë, bashkë më BMW-në e tij, u kthye në Shqipëri për të takuar të afërmit e tij.

“Kjo është një makinë e lirë, pasi kushton vetëm 5 mijë e 500 paund, por njerëzit këtu mendojnë se është e shtrenjtë”, tha Meti, i cili jeton në Slough dhe punon si murator.

Arsyeja pse vendosi të shkojë në Angli ishin familjarët e tij, pasi të gjithë vëllezërit ishin të vendosur atje.

Makina e Metit ishte më e thjeshta që t’i mund të shikoje në Has.

Jashtë bashkisë ishte e parkuar një BMW X5 me një targë të personalizuar dhe xhama të zinj.

Diku tjetër një Mercedes, model i fundit.

Kudo që hidhje sytë shikoje shoferët e lumtur me makinat e tyre luksoze përpiqeshin të parkonin jashtë shtëpive të shkatërruara.

Shumë nga shqiptarët, që punojnë në Britani, punojnë në punë të rregullta, shpesh me pagë të ulët.

Por këto automjete të shtrenjta janë prova sesi ato kanë gjetur një punë fitimprurëse.

Përgjatë viteve 1990-2000, Shqipëria ishte qendra e kultivimit të cannabis-it me bandat që paguanin pronarët e vegjël për të rritur prodhimin.

Fill pas kësaj ata e eksportonin drogën në Itali me skafe dhe e shpërndanin atë në të gjithë Evropën.

Ambiciet e qeverisë shqiptare për të hyrë në Bashkimin Evropian ishin nxitja kryesore për të goditur tregtinë e paligjshme.

Sulmet e Policisë kanë zhvilluar operacione të tepërta, shkatërruar prodhimin vendas.

Por pa u shqetësuar fare, bandat e zhvendosën prodhimin e tyre në të gjithë Evropën, përfshirë Mbretërinë e Bashkuar.

Në një restorant buzë rrugës në Has, një kamerier 17-vjeçar tha se do të largohej për në Angli në dy vitet e ardhshme.

Me shumë mundësi do të punojë në një shtëpi bari.

Në Shqipëri, paga e tij është vetëm 120 euro në muaj.

“Do të kthehem këtu, duke i dhënë një Mercedes-i”, tha ai duke qeshur.

Kohët e fundit, mafia shqiptare ka marrë kontrollin gati të plotë të të gjithë tregut të kokainës në Mbretërinë e Bashkuar.

Kjo me përjashtim të dukshëm të Liverpool-it. Ajo ka arritur të bëjë marrëveshje me kartelet në Amerikën e Jugut, dhe ka krijuar rrjete në portet e Holandës, Belgjikës dhe Italisë.

Ndërsa rrjeti zgjerohet, rritet edhe numri i shqiptarëve që vijnë në Angli nga kontrabandistët e qenieve njerëzore.

Në vitin 2010, vetëm 174 shqiptarë aplikuan për azil në Mbretërinë e Bashkuar,

Por, në vitin 2019, kjo shifër kishte kapur numrin e 3 mijë e 488 shqiptarëve, gati 10% e të gjithave kërkesave për azil.

Kështu, ata ishin të dytët pas iranianëve.

Një e treta e këtyre kërkesave u miratuan, por mijëra të tjerë jetojnë atje.

Shqiptarët përbëjnë 16% të shtetasve të huaj në burgjet britanike, grupi më i madh.

Ministrja Priti Patel firmosi një marrëveshje me ministrin e Brendshëm të Shqipërisë, Bledi Çuçi, për dëbimin e shtetasve shqiptarë,

Ata ranë dakord që shtetasit, që nuk kanë të drejtë qëndrimi, të kthehen në atdhe.

Shqiptarët, që kanë emigruar në vitet e para të demokracisë në Shqipëri, thonë se perceptimi i tyre si kriminelë është i pabazuar, ose se të sapoardhurit po u japin një emër të keq.

“Ky është një problem për komunitetin tonë”, thotë Ramez Alej, i cili erdhi në Angli 15 vite më parë dhe punon në një lavazh.

Të rinjtë, sipas tij, kur shohin një makinë luksoze e duan, edhe pse nuk kanë asgjë.

“Atyre nuk u intereson nëse shkojnë në burg, mjaftojn që të bëjnë para në një kohë të shkurtër”, thotë Alej.

Aq e fortë është lidhja mes Shqipërisë së Veriut dhe Mbretërisë së Bashkuar saqë aeroporti i dytë ndërkombëtar i vendit është inauguruar aty, vetëm 15 milje nga Hasi.

Aeroporti Ndërkombëtar “Zayed – Flatrat e Veriut” mban emrin e të ndjerit Shejh Zayed të Abu Dhabit.

Kjo në shenjë mirënjohjeje për ndihmën humanitare të dhënë në rajon nga Emiratet e Bashkuara Arabe gjatë konfliktit kosovar në fund të viteve 1990.

Por, avioni i parë që u ul atje ishte ai i nisuri nga Londra dhe jo Emiratet.

Kryeministri i Shqipërisë, Edi Rama, u bëri thirrje që të përdorin aeroportin e ri për të fluturuar dhe ardhur në shtëpi.

Liman Morina, kryebashkiaku i Hasit, pranoi se ka probleme, prandaj të rinjtë e qytetit emigrojnë.

Por ai theksoi se zona mbahet nga dërgesat e parave që ata sjellin te familjarët.

“Qyteti i detyrohet aq shumë Britanisë”, shtoi ai, “saqë po mendon të ngrejë një statujë të Mbretëreshës në bazamentin e zbrazët që qëndron në qendër të rrethrrotullimit të vetëm”.

Marrë nga The Times, përshtatur për Albanian Post

/Albanianpost.com