Hasani: Kohët aktuale të trazuara kërkojnë një ripërkushtim ndaj diplomacisë

Këshilli i Sigurimit të OKB-së mbajti të premten një debat të hapur me temën “Kontributet e mekanizmave rajonalë për paqen dhe sigurinë” nën pikën e rendit të ditës “Ruajtja e paqes dhe sigurisë ndërkombëtare”.

Një nga ngjarjet nënshkrimore të presidencës së Këshillit të Sigurimit të tetorit të Brazilit, takimi u fokusua në kontributin e marrëveshjeve rajonale, nën-rajonale dhe dypalëshe për parandalimin dhe zgjidhjen paqësore të mosmarrëveshjeve.

Ministri për Evropën dhe Punët e Jashtme të Shqipërisë (MEPJ), Igli Hasani, deklaroi gjatë fjalës së tij se kohët aktuale të trazuara kërkojnë një ripërkushtim ndaj diplomacisë dhe multilateralizmit efektiv.

“Në Debatin e Hapur të KS të OKB-së të organizuar nga kryesuesi Brazili, nënvizova se bashkëpunimi dhe kontributi i organizatave rajonale dhe nën-rajonale është i një rëndësie të madhe pasi kohët aktuale të trazuara kërkojnë një ripërkushtim ndaj diplomacisë dhe multilateralizmit efektiv”, theksoi kryediplomati shqiptar në median sociale “X”.

Si një anëtare aspirante për në BE, Shqipëria vlerëson thellësisht kontributet thelbësore, të çmuara dhe reciproke të zgjerimit të BE-së dhe Procesit të Berlinit si investime kritike në nxitjen e bashkëpunimit rajonal, garantimin e sigurisë dhe stabilitetit në rajon, shtoi zyrtari shqiptar.

Hasani u shpreh se si anëtar jo i përhershëm i Këshillit të Sigurimit, Shqipëria mbetet plotësisht e përkushtuar në respektimin e qëllimeve dhe parimeve të Kartës së OKB-së.

Në konferencë morën pjesë: Ndihmës Sekretari i Përgjithshëm për Lindjen e Mesme, Azi dhe Paqësor, Mohamed Khaled Khiari, Michelle Bachelet, ish-Presidentja e Kilit dhe ish Komisionerja e Lartë e OKB-së për të Drejtat e Njeriut, Thabo Mbeki, ish-presidenti i Afrikës së Jugut dhe Dr. Josefina Echavarría Alvarez, Profesoreshë e Praktikës dhe drejtoreshë e programit të Matricës së Marrëveshjeve të Paqes (PAM) në Institutin Kroc për Studime Ndërkombëtare të Paqes.

Një koncept-notë e qarkulluar nga Brazili përpara debatit të hapur, avokon që Këshilli të zbatojë mjetet e Kapitullit VI përpara se “të lind nevoja për t’iu drejtuar Kapitullit VII”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.