Ish-deputeti i Aleancës për Ardhmërinë e Kosovës (AAK), Daut Haradinaj, përmes një postimi në Facebook ka shpalosur kundërthënien e Kryeministrit aktual të Kosovës, Albin Kurtit me atë çfarë proklamonte sa ishte opozitar.
Haradinaj e nxori një deklaratë të vitit 2015 të Lëvizjes Vetëvendosje, ku shkruhet se “Zyra e Rregullatorit deri më tani është sjellë si zyrë kontabiliteti e kompanisë private KEDS/KESCO”.
“Zyra e Rregullatorit do të duhej të mbronte interesin e qytetarëve duke mos i rritur çmimet”.
Ky qëndrim i vitit 2015 është në kontrast të plotë me vendimit më të fundit të Qeverisë së udhëhequr nga Kurti, ku Qeveria ndau edhe 75 milionë euro për subvencion të energjisë pas shtrenjtimit të energjisë elektrike.
“Qeveria e udhëhequr nga VV dhe Kurtia i aprovon ZRRE-së shtrenjtimin e rrymës dhe jep 75 milionë euro nga taksat e qytetarëve për subvencion të energjisë”, shkruhet në postim.
“Cilit Albin me i besu”, shtron pyetjen Daut Haradinaj, mes dy qëndrimeve të Lëvizjes Vetëvendosje, përkatësisht asaj të vitit 2015 në opozitë, dhe kësaj të tanishmes në pozitë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Von der Leyen dhe ministri i jashtëm italian bëjnë thirrje për përmbajtje
-
Hipoteza e tradhtisë së brendshme ose një sulmi simbolik: Çfarë dihet për sulmin në Iran
-
Kievi: 25 sisteme Patriot nevojiten për të mbrojtur qiejt nga Putin-i
-
Drejtori i CIA-s: Negociatat ngecën sepse Hamasi hodhi poshtë propozimin e Izraelit, Katarit dhe Egjiptit
