Grupi islamik Hamas nuk është tërhequr nga bisedimet për armëpushim pas sulmeve vdekjeprurëse izraelite të kësaj fundjave në Gaza.
Kështu ka bërë me dije një nga zyrtarët e lartë të grupit.
Deklarata nga Izzat El-Reshiq, një anëtar i zyrës politike të Hamasit, akuzoi gjithashtu kryeministrin izraelit Benjamin Netanyahu se po përpiqet të prishë përpjekjet e ndërmjetësve arabë dhe të Shteteve të Bashkuara të Amerikës për të arritur një marrëveshje armëpushimi.
Përshkallëzimi i sulmeve nga Netanyahu dhe qeveria e tij synon të pengojë përpjekjet për t’i dhënë fund konfliktit, tha Reshiq.
Dy burime egjiptiane të sigurisë në bisedimet e armëpushimit në Doha dhe Kajro kishin thënë të shtunën se negociatat ishin ndërprerë pas tre ditësh bisedime intensive.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
