Ushtria Britanike ka njoftuar se ka nisur një hetim për një shkelje të llogarive të saj në Twitter dhe YouTube ditën e hënë.
Personat e fshehur pas sulmit kompjuterik shpërndanin në llogaritë e degës ushtarake tokena të pandryshueshme (NFT) dhe kriptovaluta.
Llogaria zyrtare e Ushtrisë Britanike në Twitter kishte publikuar postime që promovonin NFT-të, ndërsa videot në lidhje me kriptomonedhën e lidhur me miliarderin e Tesla-s Elon Musk, u ngarkuan në llogarinë e saj në YouTube të dielën, njoftoi BBC.
E gjithë përmbajtja NFT dhe kripto është hequr nga të dyja llogaritë të dielën pasdite.
Një zëdhënës për “The Guardian” tha se Ushtria Britanike e merr “sigurinë e informacionit jashtëzakonisht seriozisht dhe po e zgjidh çështjen”, por nuk ofroi asnjë koment të mëtejshëm derisa ushtria të përfundojë hetimin e saj.
Është ende e paqartë se kush qëndron pas shkeljes.
NFT-të dhe kriptovalutat kanë shpërthyer në popullaritet gjatë viteve të fundit, por ekspertët kanë paralajmëruar se një fluks mashtrimesh po synojnë ata që nuk janë të njohur me industritë e reja.
Një raport nga kompania Atlas VPN zbuloi se, më shumë se 1.3 miliardë dollarë kripto, u vodhën vetëm në katër muajt e parë të vitit 2022.
Në vitin 2020, llogaritë në Twitter, që i përkisnin Musk, Bill Gates, Joe Biden, Kim Kardashian dhe figura të tjera të njohura, u thyen për të promovuar një mashtrim të dukshëm Bitcoin.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Parashikimi i motit, 29 mars 2024
-
Gjykata Ndërkombëtare e Drejtësisë ultimatum Izraelit: Lejo hyrjen e ndihmave humanitare në Gaza
-
Zbatimi i hartës së re gjyqësore, Manja pret në zyrë kryeprokurorin Çela dhe Llagamin
-
Hamza thotë se Kurti degradoi pozicionin e Kosovës në dialog, zotohet se do t’i shkëpusë serbët e veriut nga ndikimi i Serbisë
Lajmet kryesore
-
Lufta kundër dezinformimit dhe ndërhyrjeve të huaja në Shqipëri, përmes një komisioni të posaçëm
-
SPAK firmos 9 masa sigurie, mes tyre 2 ish-zyrtarë të Bashkisë së Tiranës
-
Rusia vendos veto ndaj rezolutës së OKB-së për monitorimin e sanksioneve ndaj Koresë së Veriut
-
Hamza thotë se Kurti degradoi pozicionin e Kosovës në dialog, zotohet se do t’i shkëpusë serbët e veriut nga ndikimi i Serbisë